Ministria e Shëndetësisë u drejtohet qytetarëve që të mos bien pre e të ashtuquajturave “receta” për trajtimin e Covid-19 që po shpërndahen nëpër rrjetet sociale.
Kjo është porosia e plotë e Ministrisë së Shëndetësisë:
Të nderuar qytetarë,
Jemi dëshmitarë që së fundi nëpër rrjetet sociale (jo vetën në nivel lokal) po shpërndahen me të madhe të ashtuquajtuara “receta” të ndryshme për trajtimin e personave të prekur nga COVID-19.
Duke qenë që “recetat” e tilla provokojnë edhe reagime të ndryshme dhe ngjallin edhe shqetësime, ju lusim që të mos bini pre e publikimeve të tilla dhe për çfarë do shqetësimi lidhur me Covid-19 të kontaktoni mjekun tuaj më të afërt dhe të përcillni vetëm këshillat zyrtare, të cilat publikohen nga Ministria e Shëndetësisë, IKSHPK, profesionistët kompetentë shëndetësor dhe institucionet kredibile dhe të konfirmuara.
Ju faleminderit për mirëkuptim!
