Mbrojtësi i Napolit, Kalidou Koulibaly vazhdon të mbetet objektiv i Manchester Unitedit.

Menaxheri i Manchester Unitedit, Jose Mourinho, dëshiron të rekrutojë një mbrojtës qendror të ri.

Sipas mediumit The Times, Mourinho po përpiqet të bindë drejtuesit e Unitedin për të nënshkruar me Koulibalyn nga Napoli.

Trajneri portugez e dëshiron qendërmbrojtësin e Senegalit gjatë afatit kalimtar të janarit pasi ka nuhatur se nevojitet përforcime në mbrojtje.

Koulibaly është njëri nga mbrojtësit më të mirë në botë në qarkullim (Getty Images)

Unitedi nuk arriti të transferojë një mbrojtës të ri qendror gjatë verës, dhe Mourinho është i interesuar që klubi të investojë në mënyrë agresive në fillim të vitit.

Koulibaly përshtatet me atë që dëshiron portugezi, por 27-vjeçari nënshkroi një kontratë të re në verë dhe do të ishte një blerje të shtrenjtë në rast se materializohet.

Përveç Koulibalyt, drejtuesit dhe trajneri i Djajve të Kuq pëlqejnë edhe sllovakun e Interit, Milan Skriniar, i cili ka befasuar të gjithë me nivelin e treguar këto dy sezone.

Në Ligën Premier i preferuar është Harry Maguire i Leicester Cityt, por klubi anglez thuhet se ka refuzuar Unitedin gjatë verës. /Telegrafi/