Mosanëtarësimi i Kosovës në Interpol, hendikep në luftimin e terrorizmit

13.09.2020 12:55
Rreshtat+- AShkronjat+- Printo
Mosanëtarësimi i Kosovës në Interpol, hendikep në luftimin e terrorizmit

Në marrëveshjen e Uashingtonit, Kosova është zotuar se do ta shpallë Hezbollahun organizatë terroriste dhe t’i përmbushë në tërësi masat për të kufizuar operacionet dhe aktivitetet financiare të saj. Por, ekspertë të sigurisë pohojnë se Kosova është e hendikepuar në luftimin e terrorizmit, meqë si vend nuk ka arritur të jetë anëtare në organizata ndërkombëtare, siç është Interpoli.Ish-komandanti i Forcave të Sigurisë së Kosovës, njëherësh ekspert i sigurisë, Kadri Kastrati thotë për KosovaPress se përmes Kosovës kalojnë të gjitha rrugët nga lindja në perëndim, për çka sipas tij rreziku për përhapjen e terrorizmit është tejet i madh.Kastrati: Hendikep për Kosovën është mosanëtarësimi në Interpol(Video) “Një prej hendikepeve më të mëdha të Kosovës, është që Kosova nuk është anëtare e Interpol-it dhe Europol-it dhe mekanizmave të tjerë të cilët janë shumë të rëndësishëm në kohën e sotme kur luftohet terrorizmi, për të shkëmbyer informacionet, për të informuar njëri-tjetrin se për këto lëvizje që janë jashtëzakonisht të rrezikshme për Kosovën dhe rajonin dhe aspektin global”, deklaron Kastrati.Kastrati thotë se duhet të fuqizohen institucionet e drejtësisë e sigurisë, që të identifikohet nëse ka elemente të këtyre organizatave në vend. Meqë sipas tij, me marrëveshjen e fundit të nënshkruar në Uashington, Kosova ka marrë obligim që të luftojë edhe organizata tjera terroriste.Kastrati: MPB duhet të identifikojnë a ka elemente të terrorizmit në Kosovë
(Video) 
“Ministria e Punëve të Brendshme dhe mekanizmat e tjerë edhe politikë edhe operativë duhet në Kosovë të fillojnë të identifikojnë a ka elemente në Kosovë të terrorizmit. E, atëherë nëse identifikojnë që ka elemente duhet të bëjnë një strategji për t’i luftuar këta, për t’i kapur apo për t’i eliminuar gjitha elementet që kanë të bëjnë me këto organizata. Por, jo vetëm me këtë. Kemi edhe organizata të tjera, nuk duhet të fokusohemi vetëm në Hezbollah, ne duhet të fokusohemi edhe në organizata të tjera”, shton ai për KosovaPress.Se Kosova është e hendikepuar me mos anëtarësimin në Interpol e thotë edhe eksperti i sigurisë, Nuredin Ibishi.Ibishi: Çdo vonesë ka pasojat e paevitueshme
(Video) 
“Nëse nuk jemi pjesë aktive e një organizate siç është Interpol-i, vet zbatimi i menjëhershëm i një procesimi të një informacioni apo një të dhëne, një qasje, për shembull të një anëtari të një organizate terroriste apo krimit të organizuar, çdo vonesë ka pasojat e veta të paevitueshme”, thekson ai.Eksperti tjetër i sigurisë Drizan Shala vlerëson se marrëveshja e arritur në Shtëpinë e Bardhë, i atribuohet njohjes që vjen nga Izraeli.Shala: Më shumë i atribuohet njohjes nga Izraeli
(Video) 
“Unë mendoj që shpallja e organizatës Hezbollah në një marrëveshje në Uashington më shumë i atribuohet njohjes që vjen nga Izraeli…Dhe kjo shpallje në këtë marrëveshje, Hezbollahu si organizatë terroriste është si një lloj alibie për Izraelin për të jetësuar marrëdhëniet dypalëshe mes Kosovës dhe Izraelit”, thekson Shala.Në lidhje me këtë, KosovaPress ka kontaktuar këshilltarin e ministrit të Punëve të Brendshme, Bajram Gecaj. I njëjti thotë për KosovaPress se luftimi i terrorizmit, është çështje operacionale e Policisë së Kosovës.Sipas Zyrës për Informim në PK, situata aktuale është shumë më ndryshe për dallim nga vitet 2013 dhe 2014.”Që nga viti 2013 e deri më tani Policia e Kosovës ka iniciuar hetime penale kundër më shumë se 350 personave, ndërsa janë arrestuar mbi 165 persona të dyshuar për vepra penale të terrorizmit dhe veprave tjera penale kundër rendit kushtetues dhe sigurisë së Republikës së Kosovës”, thuhet në përgjigjen e PK-së.Megjithatë, Kosova në Uashington është pajtuar që ta zbatojë një moratorium njëvjeçar, për të mos kërkuar anëtarësim të ri në organizata ndërkombëtare, përfshirë edhe Interpol.https://www.youtube.com/watch?v=_5MUJzHNB94&feature=youtu.be&fbclid=IwAR2UyKh57x0FpjzryIX3EZXt11oZxFprcLfJduwB2n6gXG3WGXgOVoY2d2M

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Mosanëtarësimi i Kosovës në Interpol, hendikep në luftimin e terrorizmit

Mosanëtarësimi i Kosovës në Interpol, hendikep në luftimin e terrorizmit

Shqiptari që kaloi 11 vjet burg, aty u bë ‘mik’ me mizën

Shqiptari që kaloi 11 vjet burg, aty u bë ‘mik’ me mizën

Aksident me fatalitet, vdes një i mitur

Aksident me fatalitet, vdes një i mitur

Zhduket një vajzë në Podujevë

Zhduket një vajzë në Podujevë

VV e PDK do ta kundërshtojnë me çdo mjet demokratik mini-Shengenin

VV e PDK do ta kundërshtojnë me çdo mjet demokratik mini-Shengenin

Vjedhje në autobusin Durrës- Prishtinë

Vjedhje në autobusin Durrës- Prishtinë

Tentim vrasje në Prishtinë

Tentim vrasje në Prishtinë

Fëmijët e kalojnë lehtë por mund ta përhapin koronavirusin

Fëmijët e kalojnë lehtë por mund ta përhapin koronavirusin

Rimëkëmbja ekonomike dhe dialogu, sërish temat kryesore në sesionin vjeshtor të Kuvendit

Rimëkëmbja ekonomike dhe dialogu, sërish temat kryesore në sesionin vjeshtor të Kuvendit

Shumë lagje në Prishtinë do të mbesin 12 orë pa rrymë

Shumë lagje në Prishtinë do të mbesin 12 orë pa rrymë

​Kurti: Përmes marrëveshjes së Uashingtonit, Serbia dëshiron të rinegociojë statusin e Kosovës

​Kurti: Përmes marrëveshjes së Uashingtonit, Serbia dëshiron të rinegociojë statusin e Kosovës

Vijnë konfirmimet, Interi edhe më afër Arturo Vidalit

Vijnë konfirmimet, Interi edhe më afër Arturo Vidalit

​Haxhiu i reagon Mustafës: “Zajednica” është edhe synim edhe kërkesë e Serbisë

​Haxhiu i reagon Mustafës: “Zajednica” është edhe synim edhe kërkesë e Serbisë

​Hoti i përgjigjet PDK-së: Për 100 ditë e kthyem Kosovën aty ku e ka vendin

​Hoti i përgjigjet PDK-së: Për 100 ditë e kthyem Kosovën aty ku e ka vendin

​Mustafa u përgjigjet akuzave të VV-së për “Zajednicën”

​Mustafa u përgjigjet akuzave të VV-së për “Zajednicën”

Rishikimi i buxhetit të Maqedonisë së V., të orientohet në menaxhimin e pandemisë

Rishikimi i buxhetit të Maqedonisë së V., të orientohet në menaxhimin e pandemisë