Fernando Morientes beson se Neymari ose Kylian Mbappe duhet ta zënë vendin e Cristiano Ronaldos te Real Madridi.

Superylli portugez u largua nga Los Blancos këtë verë duke nënshkruar për kampionin e Italisë, Juventus.

Neymar dhe Kylian Mbappe (Foto: Getty Images)

Largimi i tij natyrisht se u ka hapur punë drejtuesve të klubit madrilen, të cilët duhet të gjejnë një zëvendësues të denjë.

Ambasadori i La Ligas, Fernando Morientes, në një intervistë për Goal i ka dhënë emrat e lojtarëve që mund ta zëvendësojnë Ronaldon.

“Është vështirë. Po flitet për Neymar, Mbappe, Harry Kane, (Eden) Hazard. Mendoj se do të varet nga trajneri”.

Cristiano Ronaldo dhe Neymar (Foto: Getty Images)

“Trajneri duhet ta japë përgjigjen për atë që do në fushë dhe për mënyrën si dëshiron të luajë”.

“Nëse më pyesni mua, unë do të dëshiroja të luaja me dy qendërsulmues dhe dy anësorë. Prandaj, për mua lojtari kyç për këtë lojë do të ishte Neymari, por edhe Mbappe”, ka deklaruar ish-sulmuesi i Realit.

Kujtojmë që Nymar u bë transferimi më i shtrenjtë kur kaloi te Paris Saint-Germaini nga Barcelona (për 222 milionë euro), derisa Mbappe i ka kushtuar kampionit të Francës plot 155 milionë euro. /Telegrafi/