Morali në krizë, po kush është fajtor?

E publikuar: 29/10/2015 15:06
Rreshtat+- AShkronjat+- Printo

Kushtrim GASHI
Qe jemi në kriza të vazhdueshme politike, ketë tanimë e kemi të qartë, por që jemi futur edhe në një krizë të thellë morale ketë vonë kemi arritur të kuptojmë.
Për këtë krizë që na ka kapluar dikush fajëson politikanet, dikush profesorët e mësuesit, dikush mediat, dikush gjendjen ekonomike, e dikush thotë që babai dhe nëna janë fajtor.
Duke mohuar dhe mos e pranuar përgjegjësinë e duke fajësuar njëri tjetrin, faji po ngel jetim.
Kur zinxhirët këputën a ka faj vetëm hallka që këputet apo të gjitha ato që ngrehin njëra tjetrën?
Kur ata këputën zakonisht ne themi që zinxhirët ishin të dobët e jo vetëm hallka që e lëshoi.
Andaj fajin dhe fajtorin duhet ta kërkojmë në kohën dhe mesin tonë. Kështu nëse ndalemi dhe analizojmë krizën morale nëpër të cilën po kalojmë, do ta gjejmë se të gjithë kanë faj, dikush më shumë e dikush me pak.
Familja është institucion dhe celulë themelore e shoqërisë dhe nëse babai dhe nëna si kryefamiljar dhe mbrojtës të pjesëtarëve tjerë të familjes degradojnë dhe degjenerohen, rrjedhimisht do të degjenerohet edhe shoqëria, ku kaosi dhe anarkia do të mbizotërojnë.
Në shoqërinë tonë, fatkeqësisht shumica e femrave janë të paarsimuara dhe për ketë me se paku ato janë fajtore, duke pasur parasysh mentalitetin tonë. Deri vonë ka mbizotëruar bindja se femra nuk duhet të arsimohet sepse ajo duhet të merret vetëm me punët e shtëpisë. Ky rol i saj që të mos shkollohej i atribuohej ligjeve të Zotit, duke thënë se vetëm për ketë është krijuar edhe pse në fakt ishte mentalitet mesjetar e assesi ligj i Zotit.
Padyshim që Zoti e obligoi femrën me rolin e nënës, por atë nuk e privoi asnjëherë me asnjë urdhër nga kërkimi i diturisë.
Në veprën e Sami Frashërit “Shqipëria ç’ka qenë…”, është një kaptinë me titull “Dituria”, ku thotë: “Çdo grua, veçanërisht për të kryer mirë detyrat e saj, duhet të dijë këndim, shkrim, matematikë, mbajtjen e llogarive, ekonomi, politikë, higjienë, fizikë, kimi, e të tjera shkenca, kurse për të mos cenuar bukurinë e brishtë, për të shpëtuar nga gabimet që mund të rrëshqasin në raste bisedash, ka nevojë të ketë njohuri edhe nga letërsia, gjeografia, historia etj.” Samiu ndër të tjera shton se “ gruaja është themeli i shoqërisë, është shtylla e moralit të përgjithshëm….kush edukon një grua ka edukuar një shoqëri të tërë”.
Edhe djemtë me rezultate shumë te dobëta në shkollat e mesme dhe mos interesim për studime të mëtejmë, ju mungon vizioni për të ardhmen, gjë që ndikon në vullnetin dhe dëshirën e tyre për të ndryshuar diç në ambientin që i rrethon. Pasiviteti, dembelizmi dhe pavendosmëria janë faktor që ndikojnë në moralin e tyre.
Femrat që dalin të zhveshura, pothuajse lakuriq, në shkollë, në treg apo për tu shëtitur, a thua çfarë na tregojnë e demonstrojnë? A thua me ketë lakuriqësi na demonstrojnë lirin e tyre? Apo na demonstrojnë që prindërit e saj nuk kanë më pushtet mbi të? Apo na demonstron se ajo e sundon burrin? Apo na demonstron asetet trupore të saj? Apo na demonstron se me ketë lakuriqësi është në kërkim të partnerëve të rinj? Apo na demonstron se me ketë lakuriqësi është në kërkim të një vendi pune? Apo na demonstron se kjo lakuriqësi është cilivizim? Eh nëse është kjo e fundit, atëherë kafshët qenkan me të cilivizuara se ne.
Nj ndër shkaqet kryesore të krizës morale në vendin tonë janë lakuriqësia, telenovelat apo serialet, gjë që na dëshmon se imoraliteti në shoqërinë tonë është në shkallë të lartë.
Humbja e vlerave është problemi më i madh në ketë shekull, që vjen si rezultat i dobësimit dhe humbjes se besimit në Zot. Pa besim në Zot s’ka moral tha Alija Izetbegoviq. Për moralin, profeti Muhamed, 14 shekuj me parë na mësoi se kush s’ka turp bënë gjithçka!
Nga kjo krizë që po e kërcënon jo vetëm shoqërinë tonë, por mbarë njerëzimin do të mund të na nxjerr vetëm besimi i sinqertë në Zotin.