Monego do të apelojë vendimin e Gjykatës Themelore në Prishtinë dhe kërkon mbrojtjen e pasurive të kompanisë

E publikuar: 23/12/2019 15:25
Rreshtat+- AShkronjat+- Printo

Gjykata Themelore në Prishtinë, më 23 dhjetor ka refuzuar kërkesën e aksionarit Monego për të shtyer ekzekutimin e vendimit të BQK-së deri në zgjidhjen e çështjes, e cila do të mbronte punonjësit dhe pasuritë e ndërmarrjes deri në marrjen e vendimit përfundimtar nga ana e gjykatës.

Avokatët Arianit Koci dhe Granit Vokshi kanë konfirmuar që aksionari Monego do të paraqesë ankesë ndaj vendimit brenda ditëve të ardhshme.

“Zyra KOCI & VOKSHI që është përfaqësuese e autorizuar e aksionarit Monego do të paraqesë ankesë ndaj vendimit brenda ditëve të ardhshme. Në emër të aksionarit të Monegos i kërkojmë BQK-së që të sigurojë mbrojtjen e aseteve të kompanisë” thekson avokati Granit Vokshi.

Aksionari i Monego i bën thirrje administratorit të caktuar Z.Visar Zeneli të sigurojë raportin për veprimet e tij të bëra në javën e parë që nga data 6 dhjetor. detyrë e dhënë nga banka qendrore – të mbledhë kredi të papaguara të interesit të kreditorëve.

Siç është raportuar të Premten në 06 Dhjetor, Banka Qendrore e Kosovës vendosi të revokojë licencën për kompaninë Monego, duke emëruar një administrator të Bankës Qendrore. Aksionarët e kompanisë do të përdorin të gjitha mjetet juridike për të mbrojtur të drejtat e tyre./infosot/