Kryetari i PSD’së: Me bindje të thellë e them, Kurti do të shkarkohet

E publikuar: 11/03/2020 21:44
Rreshtat+- AShkronjat+- Printo

Kryetari i Partisë Socialdemokrate, Dardan Molliqaj, ka paralajmëruar se kryeministri i vendit, Albin Kurti, do të shkarkohet shpejt nga posti i tij.

Molliqaj ka thënë në emisionin “Pressing”, në televizionin T7, se nuk beson se do të zbatohet paralajmërimi i Shteteve të Bashkuara të Amerikës për tërheqjen e trupave ushtarake nga Kosova, për shkak të mosheqjes së plotë dhe pa kushte të taksës ndaj Serbisë.

Ai ka thënë se tërheqja e ushtarëve amerikanë nga Kosova nuk do të ndodhë, për shkak se Kurti do të largohet nga udhëheqja e qeverisë së vendit.

“Kurti do të shkarkohet, e them me bindje të thellë”, është shprehur Molliqaj në T7.