Mjekët i marrin seriozisht fjalët e Kurtit se do t’i lë veç me nga një vend pune

03.11.2019 12:46
Rreshtat+- AShkronjat+- Printo
Mjekët i marrin seriozisht fjalët e Kurtit se do t’i lë veç me nga një vend pune

Kandidati për kryeministër nga radhët e Lëvizjes Vetëvendosje, Albin Kurti, ka deklaruar se mjekët në Kosovë duhet të zgjedhin nëse duan të punojnë në sektorin publik apo në atë privat, por Gjykata Kushtetuese e Kosovës në vitin 2013 u kishte dhënë të drejtë mantel bardhëve që të punojnë në të dy sektorët. E nëse Kurti insistion në realizmin e planit të tij, mjekët kosovarë po paralajmërojnë edhe masa të tjera.

Po i paralajmëron mjekët që të bëhen gati për përzgjedhje në mes të publikut apo privatit. Mjekët kosovarë këtë mesazh e kanë marrë gjatë javës që po e lëmë pas nga ana e kandidatit për kryeministër nga VV’ja, Albin Kurti.

Kurti ka thënë se qeverisja e ardhshme e Kosovës nuk do të lejojë që mjekët të punojnë edhe në spitalet private, si dhe në ato publike në të njëjtën kohë.

“Nuk do të lejojmë më që mjekët t’i marrin pacientët nga spitalet publike dhe t’i akomodojnë ata në ordinancat e tyre private pas orarit të punës”, ka thënë Kurti.

Por, të indinjuar me këto deklarata po shprehen mjekët kosovarë. Ata sot po deklarojnë se ligjshmëri për cështjen e orarit të punës në privat apo publik, ka dhënë vite më para Gjykata Kushtetuese e Kosovës.

Nga Oda e Mjekëve të Kosovës po deklarohen se një vendim i tillë nga ana e Kurtit do të ishte i pranueshëm, nëse do të vlente për të gjithë sektorët, raporton express

“Siç e dini, Gjykata Kushtetuese ka marr një vendim ku janë hedhur poshtë nenet e Ligjit për Shëndetësi përmes së cilëve u ndalohej ushtrimi i profesionit të mjekut në të dy sektorët, dhe këtë bazuar në nenin 49 të Kushtetutës së Republikës së Kosovës dhe si i tillë është i obligueshëm për tu respektuar nga të gjitha institucionet. Prandaj për të ndryshuar këtë Aktgjykim duhet ndryshuar praktika gjyqësore e Gjykatës Kushtetuese”, thotë Sjedoi.

Megjithatë, Sejdiu pranon se në mesin e mjekeve, ekzistojnë të atillë që i dërgojnë pacientët nga institucionet publike në ato private për përfitime personale.

“Problemi është i shtruar në dy nivele, pse vetëm mjekët, pse jo edhe tjerat profesione. Pse një profesor ka të drejtë të bëj mësim edhe në privat edhe në publik, pse mjeku jo pse një ekonomist punon në institucione publike, pasdite është kontabilist i kompanisë së madhe, ose një jurist ne kompani private, ka qene një tentim’’, ka thënë Pleurat Sejdiu.

Por, në krah Albin Kurtit i ka dal një ish ministër i shëndetësisë. Ferid Agani, thotë se një ndarje e tillë ka qenë e nevojshme qysh në vitin 2013.

“Kjo ndarje ka qenë e nevojshme qysh atëherë. Ka qenë një metodë e mirë për të arritur dy qëllime, parandalimin e korrupsionit në institucionet publike shëndetësore, sepse punësimi i njëkohshme në të dy institucionet e ka edukua në mënyrë të dokumentuar dhe ka arritur këtë shkallë të korrupsionit”, ka thënë Agani.

Agani shtoi se pacientët në një mënyrë kanë qenë të keqpërdorur nga disa mjek të papërgjegjshëm. Ish ministri mendon se kjo gjë ka rrënuar besimin e qytetarëve në sistemin publik.

Ligji për Shëndetësi ishte miratuar në vitin 2012, por një nen i tij ishte kundërshtuar në Kuvendin e Kosovës, duke bërë që një grup i deputetëve t’i drejtoheshin Gjykatës Kushtetuese, përmes një kërkese për pezullimin e katër neneve 18, 19, 41 dhe 60, të ligjit në fjalë.

Ndërkaq, Gjykata Kushtetuese në vitin 2013, kishte miratuar pretendimet se tri pika të nenit 41 të Ligjit për Shëndetësi, që u kërkonin mjekëve të përcaktohen nëse duan të punojnë në sistemin privat ose publik shëndetësor, janë në mospërputhje me nenin 49 [E Drejta e Punës dhe Ushtrimit të Profesionit] të Kushtetutës së Republikës së Kosovës.

Kandidati për kryeministër nga radhët e Lëvizjes Vetëvendosje dhe njëkohësisht kreu i saj, Albin Kurti, ka paralajmëruar që mjekët duhet të përcaktohen nëse duan të punojnë në institucionet publike shëndetësore apo ato private. Ndërkohë, mjekët këtë paralajmërim të Kurtit e konsiderojnë të paarsyeshëm dhe të padrejtë.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Nis takimi i qeverisë me Presidencën

Nis takimi i qeverisë me Presidencën

Rama: Të gjithë ata që kanë humbur familjarë do të kenë trajtim financiar

Rama: Të gjithë ata që kanë humbur familjarë do të kenë trajtim financiar

Programi sekret qeverisës

Programi sekret qeverisës

Me baner thumbues tifozët e Atletico Madridit ndaj Griezmannit

Me baner thumbues tifozët e Atletico Madridit ndaj Griezmannit

Mali i Zi goditët nga tërmeti

Mali i Zi goditët nga tërmeti

Kurti: Kosova kurrë nuk do ta lë vetë Shqipërinë

Kurti: Kosova kurrë nuk do ta lë vetë Shqipërinë

“Humanizëm i lartë e atdhedashuri e thellë”, Cakaj falenderon FSK-në

“Humanizëm i lartë e atdhedashuri e thellë”, Cakaj falenderon FSK-në

“Dua një shtëpi të futemi brenda”/ Tërmeti, historia e 34-vjeçares së sëmurë dhe nënës së saj të verbër

“Dua një shtëpi të futemi brenda”/ Tërmeti, historia e 34-vjeçares së sëmurë dhe nënës së saj të verbër

Rashica ka shënuar gol shumë të bukur, ia siguron fitoren Werderit

Rashica ka shënuar gol shumë të bukur, ia siguron fitoren Werderit

Miratohet kërkesa për urdhërarrest ndërkombëtar për Zvonko Veselinoviqin

Miratohet kërkesa për urdhërarrest ndërkombëtar për Zvonko Veselinoviqin

Është gjendur “këlyshi” i ngrirë 18,000-vjet më parë

Është gjendur “këlyshi” i ngrirë 18,000-vjet më parë

Pack: Pas gabimit të Macron nevojitet diçka më konkrete për njerëzit e Ballkanit Perëndimor

Pack: Pas gabimit të Macron nevojitet diçka më konkrete për njerëzit e Ballkanit Perëndimor

Marin Mema, Ramës: Nuk pranojmë centralizim. Jemi sytë e zëri i shqiptarëve të thjeshtë

Marin Mema, Ramës: Nuk pranojmë centralizim. Jemi sytë e zëri i shqiptarëve të thjeshtë

“Sot duhet të nisim punën”/ Inxhinieri-Ramës: Përgatituni për një dëm mbi 500 mln euro

“Sot duhet të nisim punën”/ Inxhinieri-Ramës: Përgatituni për një dëm mbi 500 mln euro

Artisti shqiptar: Këta janë ‘kosovarët’ që ju i paragjykoni, për mua këta kanë qenë dhe do të mbeten shqiptarët e Kosovës!

Artisti shqiptar: Këta janë ‘kosovarët’ që ju i paragjykoni, për mua këta kanë qenë dhe do të mbeten shqiptarët e Kosovës!

Borrelli thotë se mosnjohja e pavarësisë së Kosovës nga Spanja “s’paraqet problem për mua”

Borrelli thotë se mosnjohja e pavarësisë së Kosovës nga Spanja “s’paraqet problem për mua”