Miratohet kërkesa për urdhërarrest ndërkombëtar për Zvonko Veselinoviqin

01.12.2019 21:01
Rreshtat+- AShkronjat+- Printo
Miratohet kërkesa për urdhërarrest ndërkombëtar për Zvonko Veselinoviqin

Njëri nga njerëzit e afërt të presidentit të Serbisë, Aleksandar Vuciq, Zvonko Veselinoviq, është shpallur në kërkim ndërkombëtar, me kërkesë të Prokurorisë Speciale të Kosovës.

Ish-udhëheqësi i rojave të urës në veri të Mitrovicës, është vënë në kërkim për ngjarjet të cilat pasuan ndërhyrjen e njësiteve speciale në korrik të 2011-s, raporton KTV.

Njësitë speciale, në atë kohë, kishin ndërhyrë në veri ndërsa gjatë tërheqjes ishte vrarë polici Enver Zymberi, e pika kufitare e Jarinjës ishte djegur nga serbët.

I dyshuar për një sërë veprash penale dhe si udhëheqës i grupit të organizuar kriminal në veri të Mitrovicës, Veselinoviqi tani do të kërkohet përmes fletarrestit ndërkombëtar.

Prokuroria Speciale ka disa ditë që ka kërkuar nga Gjykata Themelore në Prishtinë që të lëshohet urdhërarrest ndërkombëtar për Veselinoviqin.

Ndonëse ka vite që Veselinoviq nuk ndodhet në Kosovë, Prokuroria thotë se gjatë hetimeve që po bënte në vrasjen e liderit të SDP-së, Oliver Ivanoviq, ka hasur në aktivitete ilegale të Veselinoviqit.

Derisa Gjykata Themelore në Prishtinë, në një përgjigje për KTV-në, ka konfirmuar se tashmë ka miratuar kërkesën e Prokurorisë Speciale dhe ka lëshuar letër-reshtim vendor dhe ndërkombëtar për Veselinoviqin, nën dyshimet se ai ka kryer disa vepra penale, përfshirë “pjesëmarrje e organizim i grupit kriminal”.

“Ju njoftojmë se Gjykata Themelore në Prishtinë – Departamenti Special – duke vepruar sipas kërkesës së Prokurorisë Speciale të Republikës së Kosovës, ndaj të pandehurit Z.V., ka lëshuar urdhërarrest, letër-rreshtim vendor dhe letër-rreshtim ndërkombëtar, bazuar në dyshimin e arsyeshëm se ka kryer veprat penale “Pjesëmarrja ose organizimi i grupit kriminal”, nga neni 283, paragrafi 3 lidhur me nenin 174 paragrafi 3, neni 365 paragrafi 4 dhe neni 179 të Kodit Penal të Republikës së Kosovës”, thuhet në përgjigjen nga Gjykata Themelore Prishtinë.

Ndryshe, Zvonko Veselinoviq, së bashku me vëllanë e tij, ishin arrestuar në vitin 2011 në Serbi, por që më pas ishin liruar pasi që Gjykata në Serbi kishte thënë se nuk është kompetente për t’i hetuar aktivitetet e kryera në territorin e Kosovës.

Ai dyshohet se ka lidhje të forta edhe me nënkryetarin e Listës Serbe, Milan Radojçiq, i cili gjithashtu është duke u kërkuar me urdhërarrest ndërkombëtar si i përfshirë në vrasjen e liderit të SDP-së Oliver Ivanoviq.

Ndonëse ka vite që Veselinoviqi fshihet në Serbi, ai vitin e kaluar ishte parë në veri të Mitrovicës, gjatë një proteste të serbëve, pjesë e së cilës ishte edhe Lista Serbe.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Post, aviatori që bëri fluturimin e parë i vetëm rreth botës

Post, aviatori që bëri fluturimin e parë i vetëm rreth botës

Protestë kundër ndërtimit të Xhamisë së Madhe

Protestë kundër ndërtimit të Xhamisë së Madhe

Jep dorëheqjen Bordi i Telekomit

Jep dorëheqjen Bordi i Telekomit

Zeka: Nëse Thaçi nuk do të përgjigjej në pyetjet e Prokurorisë Speciale, do të arrestohej

Zeka: Nëse Thaçi nuk do të përgjigjej në pyetjet e Prokurorisë Speciale, do të arrestohej

Macron: Marrëveshja për planin e rimëkëmbjes momenti më i rëndësishëm që prej krijimit të euros

Macron: Marrëveshja për planin e rimëkëmbjes momenti më i rëndësishëm që prej krijimit të euros

Reçica: Veteranët e luftës së UÇK do të kenë të drejtë pune ne sektorin privat

Reçica: Veteranët e luftës së UÇK do të kenë të drejtë pune ne sektorin privat

Pompeo: SHBA-ja synon krijimin e një koalicioni global kundër Kinës

Pompeo: SHBA-ja synon krijimin e një koalicioni global kundër Kinës

IHMK: Moti për dy ditë 22-23.07.2020

IHMK: Moti për dy ditë 22-23.07.2020

Balaj konfirmon: Telekomit i tërhiqen mjetet nga llogaria, 3.500 punëtorë pa paga

Balaj konfirmon: Telekomit i tërhiqen mjetet nga llogaria, 3.500 punëtorë pa paga

​VV kundër rezolutës që mbron luftën e UÇK

​VV kundër rezolutës që mbron luftën e UÇK

Austri, rikthehet vendosja e detyrueshme e maskave në vendet e mbyllura publike

Austri, rikthehet vendosja e detyrueshme e maskave në vendet e mbyllura publike

Paysera i ofron tregut kosovar me karta pagese transferime të lira ose falas

Paysera i ofron tregut kosovar me karta pagese transferime të lira ose falas

Haziri kundër masave të ndërmarra nga Qeveria Hoti për menaxhimin e Covid-19

Haziri kundër masave të ndërmarra nga Qeveria Hoti për menaxhimin e Covid-19

​Veliu në cilësinë e Koordinatorit, flet me amerikanët për terrorizmin

​Veliu në cilësinë e Koordinatorit, flet me amerikanët për terrorizmin

Vdes Latfi Kryeziu, pronar i Shell Kosova

Vdes Latfi Kryeziu, pronar i Shell Kosova

Qeveria i kërkon “Dardafonit” afat deri më 1 tetor për Telekomin

Qeveria i kërkon “Dardafonit” afat deri më 1 tetor për Telekomin