Ministri i Mbrojtjes i Republikës së Kosovës z. Rrustem Berisha, priti sot në takim zyrtar ambasadoren e Kroacisë në vendin tonë, znj. Marija Kapitanovic dhe atasheun ushtarak kolonel Marijana Pleša Čadonić.
Në takimin e ministrit Berisha me diplomaten kroate znj. Kapitanović u bisedua për zhvillimin e marrëdhënieve të shkëlqyera ndërmjet Ministrisë së Mbrojtjes të Republikës së Kosovës dhe Ministrisë së Mbrojtjes të Kroacisë si dhe ushtrisë së Kosovës dhe ushtrisë së Kroacisë.
Ministri Berisha e ka falënderuar ambasadoren Kapitanović për mbështetjen e vazhdueshme që Kroacia po jep për Ministrinë e Mbrojtjes dhe ushtrinë e Kosovës-FSK-në.
Nga ana e saj, ambasadorja e Kroacisë znj. Maria Kapitanovic konfirmoi gatishmërinë e Kroacisë për thellimin e bashkëpunimit dhe mbështetjen edhe në të ardhmen të Ministrisë së Mbrojtjes dhe të FSK-së./Infosot/