Ministri i Brendshëm shkarkon Kryeshefin e suspenduar të IPK-së, Hilmi Mehmeti

03.07.2018 19:28
Rreshtat+- AShkronjat+- Printo
Ministri i Brendshëm shkarkon Kryeshefin e suspenduar të IPK-së, Hilmi Mehmeti

Ministri i Punëve të Brendshme, Bejtush Gashi, e ka shkarkuar nga detyra Kryeshefin e suspenduar të Inspektoratit Policor të Kosovës (IPK), Hilmi Mehmeti.
Kjo është bërë e ditur përmes një përgjigje për “Betimi për Drejtësi”, nga zyra për media e kësaj ministrie.

Në vendimin e ministrit Gashi, që mban datën 21 qershor 2018, thuhet se Hilmi Mehmeti me veprimet e tij, ka shkaktuar keqmenaxhim të vazhdueshëm të IPK-së, ka dështuar të përmbush objektivat strategjike të IPK-së dhe përfundimisht, sipas vendimit, me veprimet e tij në keqmenaxhim të vazhdueshëm, Mehmeti ka dëmtuar imazhin e IPK-së.

Rasti në fjalë, ka të bëj me një konkurs të shpallur në korrik të vitit të kaluar nga ana IPK-së për 17 vende të lira të punës në këtë institucion, e ku siç thuhet në vendimin e MPB-së, auditori i kësaj ministrie ka gjetur plot 15 shkelje ligjore në procedurat e rekrutimit të këtij konkursi.

Ky auditim i këtij konkursi ishte bërë me kërkesë të ish-ministrit të MPB-së Flamur Sefaj, nga ana e Njësisë së Auditimit të Brendshëm të MPB-së, dhe atë, pasi “Betimi për Drejtësi” kishte transmetuar një audio-incizim ku shiheshin dallaveret që kishin ndodhur në procedurën e rekrutimit lidhur me konkursin në fjalë.

Pas të gjeturave të auditimit, më 18 dhjetor të vitit të kaluar, ish-ministri i MPB-së në atë kohë, Flamur Sefaj kishte bërë kërkesë që ky konkurs të anulohej, dhe një gjë të tillë edhe kishte ndodhur më 29 dhjetor 2017.

I gjithë rasti ishte iniciuar në nëntor të vitit të kaluar, kur MPB-ja kishte pranuar një ankesë në lidhje me këtë konkurs, nga ana e anëtarit të komisionit për rekrutim, Qerim Bytyqit, njëherësh udhëheqës për hetime në Divizioni e Prizrenit/Pejës, në kuadër të IPK-së, i cili përmes një shkrese kishte njoftuar ministrin për shkeljet e komisionit në procedurën e rekrutimit.

Për më tepër rreth këtyre shkeljeve, siç thuhet në vendimin e MPB-së, ekzistojnë edhe audio-incizime, ku anëtarët e komisionit shihen se janë shantazhuar dhe janë detyruar të bëjnë shkelje ligjore në këtë proces, e të cilat audio-incizime siç e thotë edhe vendimi i ministrit, janë transmetuar në emisionin “Betimi për Drejtësi”.

Tashmë ish-Kryeshefi i IPK-së, ishte suspenduar nga ish-ministri i MPB-së, Flamur Sefaj, më 2 shkurt të këtij viti, për shkak të hetimeve që kishin filluar ndaj tij në lidhje me konkursin e IPK-së për 17 pozita të inspektorëve dhe hetuesve.

Suspendimi i tij me pagesë, kishte ardhur vetëm pak ditë, pasi që emisioni “Betimi për Drejtësi”kishte shfaqur hulumtimin e zhvilluar mbi shkeljet ligjore të konkursit në IPK.

Në këtë emision, janë evidentuar shkeljet ligjore të konkursit të IPK-së, si dhe është shfaqur një audio-incizim, i cili ka dëshmuar ushtrimin e ndikimit të Kryeshefit Hilmi Mehmeti tek tre anëtarët e Komisionit të Testit Fizik, për ta futur në listën e kandidatëve të suksesshëm djalin e axhës së tij, Sylejman Mehmeti dhe kandidaten Fatlinda Zymberi edhe pse të dy këta kishin dështuar në disiplinën 300 metra.

Ky institucion, kishte shpallur konkurs për 17 pozita të inspektorëve/hetuesve. Në këtë konkurs kishin konkurruar edhe djali i axhës së Kryeshefit të IPK-së, Hilmi Mehmeti.

Në fazën e dytë të testimit fizik, djali i axhës së Kryeshefit, së bashku me një kandidate tjetër, nuk kishin arritur të kalonin me sukses.

Gjatë emisionit është shfaqur edhe një audio-incizim të cilin e ekipi “Betimi për Drejtësi” e ka siguruar dhe i cili dëshmon se si Kryeshefi tenton të ndikojë me çdo kusht tek anëtarët e Komisionit që djali i axhës së tij dhe kjo kandidate tjetër të kalojnë tutje në konkurs, edhe pse nuk kishin kaluar testin fizik.

Ndërkohë, informatori Qerim Bytyqi, Kryetar i Komisionit përzgjedhës duke shfrytëzuar Ligjin për Mbrojtjen e Informatorëve, Ligjin për IPK dhe Kodin Penal, ka informuar Ministrin e Punëve të Brendshme dhe Prokurorinë për parregullsitë e këtij konkursi. Por, edhe këtu ka probleme.

Hetimet ndaj Kryeshefit të IPK-së, i ka zhvilluar prokurori Ibrahim Berisha, djali i të cilit, kishte konkurruar në këtë konkurs dhe kishte kaluar me sukses.

Pas një lufte të shkresave nga informatori Qerim Bytyqi, prokurori Ibrahim Berisha, i cili kishte zhvilluar disa takime me Kryeshefin e IPK-së, ishte tërhequr nga hetimi i rastit, për shkak të konfliktit të interesit.

Tani hetimet janë duke u zhvilluar nga prokurori, Feti Tunuzliu, por ende nuk dihet se çfarë rezultati është arritur deri më tani.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
Konkurs për gazetarë dhe praktikantë
artikull i sponzorizuar


Bogujevci: Me dëmshpërblimin që më ofroi Serbia, e pranoi se ka kryer krime lufte në Kosovë

Bogujevci: Me dëmshpërblimin që më ofroi Serbia, e pranoi se ka kryer krime lufte në Kosovë

Molliqaj, VV’së: Tregoni qysh keni shkuar fshehtas në zyrë të kryeministrit

Molliqaj, VV’së: Tregoni qysh keni shkuar fshehtas në zyrë të kryeministrit

Veseli: Ishalla s’ka luftë, se unë e Thaçi të parët do të japim jetën për Kosovë

Veseli: Ishalla s’ka luftë, se unë e Thaçi të parët do të japim jetën për Kosovë

Hoxhaj prezanton Projektligjin për Dialogun, thotë se Kuvendi do ta ketë rolin primar

Hoxhaj prezanton Projektligjin për Dialogun, thotë se Kuvendi do ta ketë rolin primar

Hamza tregon se kur do të ekzekutohen pagat me rritje

Hamza tregon se kur do të ekzekutohen pagat me rritje

Limaj pas miratimit të Ligjit për pagat: Nga sot më shumë mirëqenie dhe paga të dinjitetshme

Limaj pas miratimit të Ligjit për pagat: Nga sot më shumë mirëqenie dhe paga të dinjitetshme

RTK, ligjërisht bëhet televizion shtetëror

RTK, ligjërisht bëhet televizion shtetëror

Ismaili: U kry, pagat më të larta në rajon për mjekët dhe infermierët tanë

Ismaili: U kry, pagat më të larta në rajon për mjekët dhe infermierët tanë

Miratohet Ligji për Pagat

Miratohet Ligji për Pagat

Haradinaj: Urime Kosovë, 70 për qind të punonjësve u rriten pagat

Haradinaj: Urime Kosovë, 70 për qind të punonjësve u rriten pagat

Pagat e oficerëve në Shërbimin Korrektues nuk do të rriten

Pagat e oficerëve në Shërbimin Korrektues nuk do të rriten

Protestë në veri

Protestë në veri

Ismaili: Votojeni ligjin që garanton rritjen e pagave për mjekët dhe infermierët

Ismaili: Votojeni ligjin që garanton rritjen e pagave për mjekët dhe infermierët

Zëvendësministrat do të paguhen edhe pasi t’iu përfundojë mandati

Zëvendësministrat do të paguhen edhe pasi t’iu përfundojë mandati

Ministër i ri i Bujqësisë pritet të mos jetë nga Lista Serbe

Ministër i ri i Bujqësisë pritet të mos jetë nga Lista Serbe

Ulen pagat e qeveritarëve, sistemit të drejtësisë nuk i ndryshohen

Ulen pagat e qeveritarëve, sistemit të drejtësisë nuk i ndryshohen