Ministri Gashi priti në takim ambasadorin e Zvicrës në Kosovë

E publikuar: 18/05/2018 15:05
Rreshtat+- AShkronjat+- Printo

Ministri i Ministrisë së Punëve të Brendshme, z. Bejtush Gashi, ka pritur sot në takim njoftues ambasadorin e Zvicrës në Kosovë, z. Jean-Hubert Lebet.

Ministri Gashi falënderoi ambasadorin zviceran për mbështetjen e vazhdueshme që ka dhënë shteti i tij për Republikën e Kosovës, veçanërisht për MPB, sa i përket projekteve të përbashkëta, kryesisht sa i përket çështjes së migrimit, transmeton Infosot.

Në këtë takim ambasadori zviceran i uroi ministrit Gashi pranimin e detyrës së re si ministër i Punëve të Brendshme dhe premtoi se shteti zviceran do të vazhdojë të jetë përkrahës në proceset nëpër të cilat po kalon Republika e Kosovës.

Të dy bashkëbiseduesit fokus të veçantë i dhanë çështjes së migrimit. Ata vlerësuan se ka pasur një bashkëpunim të mirë në çështjen e menaxhimit të migrimit dhe se ky bashkëpunim do të vazhdojë edhe në të ardhmen thuhet në kominkaten për media nga Zyra për Komunikim Publik e Ministrisë së Punëve të Brendshme.