Milani ka arritur ta bëjë goditjen e madhe në afatin kalimtar të janarit, dukë nënshkruar me sulmuesin polak Krzysztof Piatek.
Sulmuesi që është kthyer në sensacion të Serie A, do të jetë një ndihmë e madhe për Milanin në gjashtë muajt e ardhshëm.
Milani do të paguajë 35 milionë euro për shërbimet e sulmuesit te Genoa, që po ashtu ka përfituar edhe disa bonuse.
Milani kishte ofruar lojtarë si Andrea Bertolacci e Alen Halilovic, por që Genoa nuk kishte pranuar, duke preferuar vetëm paratë.
Krzysztof Piatek ka marrëveshje me Milanin për pesë vite me pagë dy milionë euro në vit.
Genoa e mori lojtarin në verën e vitit 2018, ku deri tani ka shënuar 13 gola.
Krzysztof Piatek tani te Milani . (Photo by Paolo Rattini/Getty Images)
Milani luajti me Genoan të hënën, ku Piatek nuk luajti shkaku i suspendimit.
Piatek do të jetë zgjedhja e parë e sulmit te Milani pasi që Gonzalo Higuain tashmë ka arritur marrëveshje me Chelsean. /Telegrafi/
