Presidenti, Ilir Meta, ripërsërit qëndrimin e tij se listat e hapura 100 % janë e vetmja rrugë për rivendosjen e parlamentarizmit dhe llogaridhënies në vend.
Në një postim në facebook, Meta nënvizon se populli do të zgjedhë shumë më mirë se Kryetarët, të cilët i kthyen deputetët në kartonngritës shkatërrues të interesit publik, shtetit ligjor dhe demokracisë.
Bashkë me deputetët, shton Meta, populli duhet të zgjedhë drejtpërdrejt në të ardhmen edhe Presidentin e Republikës, raporton Ora News.
Presidenti vlerëson se është koha që shqiptarët të zgjedhin dhe të flasin vetë.
“Sovraniteti në Republikën e Shqipërisë i përket popullit” thotë Meta duke iu përgjigjur kështu edhe kryeministrit Rama që deklaron se i vetmi institucion që përfaqëson sovranitetin e popullit është Kuvendi.
