Bayern Munchen nuk e mbylli kampionatin në mënyrë dinjitoze, megjithatë bavarezët janë brenda objektivave, pasi distanca me vendin e parë është vetëm 4 pikë, pozicion që mbahet nga Leipzig. Të shumtë janë edhe tifozët nga Shqipëria, të cilët mbështesin klubin bavarez, dhe bëjnë tifo për ta.
Pikërisht për këtë arsye, vetë klubi gjerman, ka vendosur të falenderojë të gjithë tifozët shqiptarë. Nëpërmjet një postimi në faqen zyrtare, Bayern shkruan: “Faleminderit për mbështetjen tuaj në vitin 2019.”, një shkrim të cilin e shoqëron edhe me “emojin” e shqiponjës.
Gjithashtu edhe në foton e postuar bashkëngjitur postimit, shihet goleadori i bavarezëve Levandovski me sfondin e flamurit shqiptar.
