Më se 250 vullnetarë e krijuan zinxhirin njerëzor prej 150 metrash, për bartjen e 20,000 librave për një librari jofitimprurëse (Foto)

E publikuar: 30/10/2018 17:48
Rreshtat+- AShkronjat+- Printo

Libraria jofitimprurëse October Books ka bërë thirrje për vullnetarë, për bartjen e mbi 20,000 vëllimeve me libra, deri në një godinë në Sothampton të Anglisë që dikur shërbente si bankë.

Punonjësja që punon si vullnetare, Claire Diaper ka bërë të ditur se vullnetarët bartën 2,000 libra vetëm të dielën, për të vazhduar edhe me të tjerat, ditëve në vijim, transmeton Telegrafi.

“Ishte e mahnitshme, filluam me dhjetë njerëz që nxitonin nëpër rrugë, për të përfunduar me më se më se 250 vullnetarë”, ka thënë Diaper.

Me të kuptuar se çfarë po ndodhë, shumë njerëz iu bashkuan radhës, që arriti afro 150 metra dhe i bartnin librat dora dorës, deri në hapësirën ku do të palosen për një kohë më të gjatë.

Organizata që është themeluar më 1977, është në atë lokacion për 15 vite. Largimi i këtyre vëllimeve, ishte bërë për t’i liruar hapësirën titujve tjerë më të ri, që janë shumë më të kërkuara prej lexuesve. /Telegrafi/