Më 19-21 Nëntor u mbajt në Graz të Austrisë Asambleja e SME-ve ku mori pjesë edhe një delegacion nga Shqipëria me përfaqësues të biznesit, të Dhomës së Tregtisë së Tiranë dhe përfaqësues të ekosistemit të startupeve.
Dhjetëra SME Austriake hapën dyert për delegatët e Asamblesë duke i njohur ata me proceset e tyre, prodhimin, kërkimin, historinë dhe produktet që krijojnë.
Disa prej tyre ishin A&R Carton, UP TO ELEVEN, XAL, Brauunion, Spitzer Dach, SUNNYBAG dhe WKO Sterimermark Taltencenter.
Krahas tureve të biznesit, disa prej tyre patën shansin të marrin pjesë në sesionin Mind the Bridge ku u fol për rëndësinë e krijimit të lidhjeve mes SME-ve, startupeve dhe korporatave ekzistuese.
Përmes këtyre urave, SME-të janë të afta të bëjnë progres përpara ndërsa korporatat përfitojnë nga idetë e re të freskëta.
Në ditën e parë u mbajtën dy aktivitete: European SME Week Reception dhe Schumpeter Lecture. Aktiviteti i parë organizua pranë Universitetit të Vjetër të Grazit ndërsa aktiviteti i dytë në Kunsthaus.
Dita e dytë vijoi me sesione, workshope dhe me pjesëmarrjen e Komisionerit Evropian për Buxhetin dhe Burimet Njerëzore Gunther Oettinger, Ministres Federale për Çështje Ekonomike dhe Dixhitale Margaret Schroambock dhe Ministres Rajonale për Ekonominë Barbara Eibinger-Miedl.
Ata folën për rëndësinë e mbështetjes së SME-ve, ndërtimin e kapaciteteve të tyre dixhitale dhe nevojën për bashkëpunim mes korporatave dhe SME-ve.
Pas fjalimeve vijoi “Debati i Madh” dhe workshope mentoruese për inkurajimin e startupeve dhe sipërmarrësve me eksperiencë.
Debati i madh shikoi dy ekipe ekspertësh të diskutonin rolin e inovacionit në modelet e biznesit të së ardhmes.
Pasditja rezervoi dy sesione: Innovative Europe e cila u dha shansin delegatëve të ndërvepronin ekspertë dhe Invest EU me një grup sipërmarrësisht të cilët patën mundësi të takohen me investitorë me eksperiencë.
Dita e dytë u mbyll me aktivitetin e shumëpritur European Enterprise Promotion Awards (EEPA).
EEPA 2018 shpalli fitues në gjashtë kategori. Ceremonia ishte plot emocion, fjalime të bukura dhe vlerësime për punën e palodhur të të gjitha projekteve Evropiane. Kësaj ngjarjeje ju bashkua edhe bashkëthemeluesi i Albanian ICT Awards, Kushtrim Shala. /PCWorld Albanian
