Agjencia e Statistikave të Kosovës së fundmi publikoi ‘Vjetarin Statistikor” , ku përmbledhen të gjitha statistikat rreth shtetit të Kosovës.
Në statistikat e publikuara tregohet se 81 mijë e 884 njerëz kanë punuar në administratat shtetërore në vitin 2018-të, shkruan Indeksonline.
Nëse e krahasojmë me vitin 2017-të, atëherë numri që punojnë në administratat shtetërore është rritur.
Gjatë vitit 2017-të, 81 mijë e 466 njerëz kanë punuar në administrata.
Administratat e Arsimit vazhdojnë të prijnë bindshëm sa i përket numrit të punëtoreve.
33 mijë e 436 njerëz kanë punuar nëpër administrata të arsimit gjatë vitit 2018-të.