Trajneri i Belgjikës, Roberto Martinez, ka thënë se ai nuk dëshiron të humbë kohë duke folur për Real Madridin.
Ish-tekniku i Wiganit dhe Evertonit ka kohë që po lidhet me një kalim te Real Madridi pas shkarkimit të Julen Lopeteguit.
Antonio Conte po ashtu është shumë i përfolur si një emër që mund të bëhet trajner i Realit.
“Le të mos humbasim kohë për këtë”, u shpreh Martinez për VTM.
Spanjolli ka kontratë me federatën belge deri në vitin 2020.
Suksesi më i madh i tij është gjysmëfinalja e Botërorit të këtij viti.
/Telegrafi/
