Maqedonia e Veriut voton presidentin e ri

21.04.2019 09:32
Rreshtat+- AShkronjat+- Printo
Maqedonia e Veriut voton presidentin e ri

Në Maqedoninë e Veriut, në orën 7:00 të mëngjesit janë hapur kutitë e votimit ku rreth 1.8 milion qytetarë me të drejtë vote do të zgjedhin presidentin e ri të shtetit.

Kandidatët për president në Maqedoninë e Veriut.

Kandidatët për president në Maqedoninë e Veriut.

Në garë për pasardhësin e Gjorge Ivanovit janë tre kandidatë; Stevo Pendarovski, i nominuar nga Lidhja Social Demokrate dhe 31 parti tjera, përfshirë edhe Bashkimin Demokratik për Integrim të Ali Ahmetit; Gordana Silajnovska-Davkova, kandidate e opozitës maqedonase të udhëhequr nga VMRO DPMNE dhe Blerim Reka, kandidat i propozuar nga dy partitë shqiptare të opozitës, Aleanca për Shqiptarët dhe Lëvizja Besa.

Presidenti mund të zgjidhet në rrethin e parë, nëse ndonjëri nga kandidatët merr mbi 50 për qind të numrit të përgjithshëm të votave nga lista votuese, apo rreth 900 mijë, por deri më tani asnjë president nuk është zgjedhur në rrethin e parë për shkak të numrit të madh të votave që duhet të merr, kështu që në balotazh më 5 maj do të kalojnë dy garuesit me numrin më të madh të votave.

Kryetari i Komisionit Shtetëror të Zgjedhjeve (KSHZ), Oliver Derkoski, i ka bërë thirrje të gjithë pjesëmarrësve në zgjedhje që të sigurojnë proces votues fer dhe demokratik, duke respektuar Kushtetutën dhe ligjin.

“Komisioni do të bëjë gjithçka që të jetë i suksesshëm, por këtë duhet ta bëjnë edhe pjesëmarrësit e tjerë. Në fund të ditës le të fitojë më i mirë, ai për të cilin do të vendosin qytetarët, në rrethin e parë e pastaj edhe në rrethin e dytë”, ka deklaruar Derskoski.

Ministri i Punëve të Brendshme, Oliver Spasovski, përmes një video-mesazhi ka thënë se policia është e përgatitur për të siguruar proces zgjedhor demokratik dhe pa incidente.

“Të dielën secili nga ne do të ketë mundësinë që të shfrytëzojë të drejtën e tij kushtetuese për të votuar në zgjedhje. MPB-ja do të përcjellë procesin zgjedhor me të vetmin qëllim që dita e votimit të jetë e qetë ashtu siç i takon një shoqërie demokratike”, ka deklaruar Spasovski.

Zgjedhjet po mbikëqyren nga një numër i madh i vëzhguesve vendor dhe ndërkombëtar. Në KSHZ janë regjistruar 3150 persona ndërsa numrin më të madh prej 1500 vëzhguesve e ka organizata joqeveritare “Most”, derisa 400 do të jenë të huaj.

Fushata elektorale e kandidatëve për president ka zgjatur 20 ditë. Ajo kryesisht ka qenë e qetë dhe demokratike, por me akuza të ndryshme mes partive. Kandidatët kryesisht janë përqendruar në çështjet që kanë të bëjnë me Marrëveshjen e Prespës, integrimin evropian, raportet ndëretnike, gjyqësorin, ekonominë si dhe korrupsionin dhe krimin e organizuar.

Zgjedhjet presidenciale shihen si test për qeverisjen e kryeministrit Zoran Zaev, pas arritjes së marrëveshjes me Greqinë për ndërrimin e emrit të shtetit në “Maqedonia e Veriut”.

Ai ka thënë se në rast të disfatës së kandidatit të partive në pushtet, Stevo Pendarovski, do të shpall zgjedhje të jashtëzakonshme parlamentare. Kjo është kërkuar edhe nga opozita e cila ka kundërshtuar marrëveshjen me Greqinë. Kryetari i VMRO DPMNE-së ka thënë se zgjedhjet presidenciale në fakt janë zgjedhje për delegjitimin e Qeverisë së kryeministrit Zaev.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Opozita në Shqipëri proteston dhe refuzon dialogun

Opozita në Shqipëri proteston dhe refuzon dialogun

Dodik: Më vjen mirë që Haradinaj po e trajton Republikën Serbe shtet

Dodik: Më vjen mirë që Haradinaj po e trajton Republikën Serbe shtet

Maqedonia e Veriut pret datën për nisjen e bisedimeve me BE-në

Maqedonia e Veriut pret datën për nisjen e bisedimeve me BE-në

Isa Mustafa uron 24 Majin – Ditën e Presidentit të Republikës së Kosovës

Isa Mustafa uron 24 Majin – Ditën e Presidentit të Republikës së Kosovës

Gjuriq: Lista Serbe do ta përkrahë secilën parti në rrëzimin e Qeverisë së Ramush Haradinajt

Gjuriq: Lista Serbe do ta përkrahë secilën parti në rrëzimin e Qeverisë së Ramush Haradinajt

Lushtaku lirohet nga akuzat, reagon ashpër ambasadori britanik

Lushtaku lirohet nga akuzat, reagon ashpër ambasadori britanik

IPK rekomandon suspendimin e pesë zyrtarëve policorë

IPK rekomandon suspendimin e pesë zyrtarëve policorë

Për një muaj Kosova importoi gati 300 milionë euro mallra

Për një muaj Kosova importoi gati 300 milionë euro mallra

Afera e ‘Fajdeve’, Selimi kërkon dorëhqjen e Kadri Veselit

Afera e ‘Fajdeve’, Selimi kërkon dorëhqjen e Kadri Veselit

Policia qartëson gjithë ngjarjen e alarmit për bombë në Prishtinë

Policia qartëson gjithë ngjarjen e alarmit për bombë në Prishtinë

Veseli i quan akte të pahijshme paralajmërimet për dorëheqjet në Veri

Veseli i quan akte të pahijshme paralajmërimet për dorëheqjet në Veri

Hoxhaj: Sjellja e Vuçiqit nuk duhet të tolerohet nga BE

Hoxhaj: Sjellja e Vuçiqit nuk duhet të tolerohet nga BE

Një javë afat për miratimin e Ligjit për Prokurorinë Speciale

Një javë afat për miratimin e Ligjit për Prokurorinë Speciale

Haradinaj uron sërish për vizat: Në vjeshtë besoj vjen lajmi i mirë

Haradinaj uron sërish për vizat: Në vjeshtë besoj vjen lajmi i mirë

Zeka-Veselit: Mos harro, Republika e Burdushit që e ke ndertu me shokë, keq ka me ju goditë

Zeka-Veselit: Mos harro, Republika e Burdushit që e ke ndertu me shokë, keq ka me ju goditë

Serbia ua lejon me ligj mjekëve të marrin ryshfet deri në 462 euro

Serbia ua lejon me ligj mjekëve të marrin ryshfet deri në 462 euro