Macron dhe Merkel pritet të dalin me propozim konkret për Serbinë dhe Kosovën

15.04.2019 20:51
Rreshtat+- AShkronjat+- Printo
Macron dhe Merkel pritet të dalin me propozim konkret për Serbinë dhe Kosovën

Takimi i 29 prillit do të prodhojë zhvillime shumë më serioze se përballja Haradinaj – Vuçiq. Aty pritet që, nën patronatin e Merkelit e Macronit, të propozohet një marrëveshje mes Kosovës e Serbisë.

Në Berlin janë ftuar të gjithë liderët e Ballkanit Perëndimor, ndërsa vetëm Kosova e Serbia do të përfaqësohen nga kryeministrat dhe nga presidentët. Aty janë ftuar kryeministri Ramush Haradinaj dhe Presidenti Hashim Thaçi bashkë me homologët e tyre Ana Bernabiq dhe Aleksandar Vuçiq.

Presidenti Trump, në letrat që u kishte shkruar Thaçit e Vuçiqit, u kishte thënë se marrëveshja finale do të nënshkruhet nga ta në Shtëpinë e Bardhë. Megjithatë rrugën drejt marrëveshjes po e shtrojnë Franca e Gjermania.

Nikoqirë të takimit të 29 prillit pritet të jenë kancelarja gjermane, Angela Merkel dhe presidenti francez, Emmanuel Macron.

Merkel, që ka kundërshtuar lëvizjen e kufijve në Ballkan, po merret personalisht me çështjen e Kosovës.

Siç merr Gazeta Express, në këtë takim pritet që të propozohet një dokument në kornizat e së cilit do të arrihet marrëveshja mes Kosovës e Serbisë.

Marrëveshja s’do të përfshijë ndarjen, por nuk do të jetë më e mira për Kosovën. Ajo më shumë mundësi do t’i lejojë Serbisë sovranitet në pjesë brenda territorit të Kosovës.

Qeveria gjermane në një përgjigje për Gazetën Express ka konfirmuar se qëllimi i Kancerlares dhe i Presidentit francez është stabilitetit në rajon, veçmas mes Kosovës dhe Serbisë.

“Stabiliteti dhe zhvillimet e mira në rajon janë të një rëndësie të madhe për kancelaren dhe presidentin. Ata synojnë që me të ftuarit të diskutojnë rreth sfidave të veçanta me të cilat po ballafaqohet rajoni, në veçanti për raportet ndërmjet Kosovës dhe Serbisë”, thuhet në përgjigjen e zëdhënësit të Qeverisë Gjermane.

Ndërkaq dy liderët e Kosovës shkojnë në Berlin pa qëndrime të unifikuara. Thaçi sot ka takuar komisionerin për Zgjerim, Johannes Hahn, ndërsa Haradinaj nga Sllovia e Lipjanit ka akuzuar Hahnin dhe Federica Mogherinin se e kanë humbur një vit kot me deklaratat për shkëmbime të territoreve.

Kabineti i Kryeministrit është deklaruar në ritmin e njëjtë me shefin e Qeverisë.

Meliza Haradinaj, këshilltare e Kryeministrit, shkroi sot se Kosova ka vëmendjen e plotë të Merkelit në takimin e Berlinit, dhe liderët institucionalë duhet të unifikojnë qëndrimin para takimit të organizuar nga Merkeli e Makroni.

“Meqë tani kemi vëmendjen e plotë të Kancelares Merkel në dialog, e cila është edhe nikoqire e takimit të 29 prillit, është koha e fundit që liderët institucionalë, delegacioni shtetëror, dhe opozita kosovare të dakordohen në një qëndrim unik para udhëtimit në Berlin. Vetëm kështu Kosova do të jetë më e fortë përballë Serbisë, dhe më serioze në sfidat e saj ndërkombëtare”, ka shkruar ajo. /A.A/Express/

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Merkel mohon se ka përplasje me pasardhësen e saj

Merkel mohon se ka përplasje me pasardhësen e saj

Reagon Çitaku: Gruaja e ‘goditur’ rome – Turp dhe marrëzi

Reagon Çitaku: Gruaja e ‘goditur’ rome – Turp dhe marrëzi

Thaçi kritikon BE-në, përmend alternativa kombëtare

Thaçi kritikon BE-në, përmend alternativa kombëtare

Përleshja në nëndegën e LDK-së në Ferizaj, vjen reagimi i partisë

Përleshja në nëndegën e LDK-së në Ferizaj, vjen reagimi i partisë

Krerët e Maqedonisë së Veriut të kënaqur nga raporti i KE-së

Krerët e Maqedonisë së Veriut të kënaqur nga raporti i KE-së

Marrëveshja e Mirëkuptimit për patrullime të përbashkëta në mes të Policisë së Kosovës dhe Shqipërisë

Marrëveshja e Mirëkuptimit për patrullime të përbashkëta në mes të Policisë së Kosovës dhe Shqipërisë

GLPS për Raportin për Kosovën: BE-ja kërkesat e njëjta, perspektiva evropiane po përdoret për politika ditore

GLPS për Raportin për Kosovën: BE-ja kërkesat e njëjta, perspektiva evropiane po përdoret për politika ditore

Pacolli i çon porosi ndërkombëtarëve, pasi Serbia liron zyrtarin kosovar

Pacolli i çon porosi ndërkombëtarëve, pasi Serbia liron zyrtarin kosovar

Halil Kastrati: Sot nis ndërtimi i shtatë shtëpive të reja në Dragash

Halil Kastrati: Sot nis ndërtimi i shtatë shtëpive të reja në Dragash

Basha: Negociatat nuk hapen, Rama e di

Basha: Negociatat nuk hapen, Rama e di

Ministrja Hoxha: Rekomandimet e raportit të progresit, udhërrëfyes për Kosovën

Ministrja Hoxha: Rekomandimet e raportit të progresit, udhërrëfyes për Kosovën

Veseli: PDK nuk është parti e fjalëve, por e vendimeve dhe veprimeve

Veseli: PDK nuk është parti e fjalëve, por e vendimeve dhe veprimeve

LDK reagon ndaj deklaratave të Uran Ismailit për aferën ‘Spitali’

LDK reagon ndaj deklaratave të Uran Ismailit për aferën ‘Spitali’

Raporti i BE-së për Serbinë, përmendet marrëveshja përfundimtare me Kosovën

Raporti i BE-së për Serbinë, përmendet marrëveshja përfundimtare me Kosovën

Lirohet Marjan Gjoka që ishte arrestuar nga autoritetet serbe

Lirohet Marjan Gjoka që ishte arrestuar nga autoritetet serbe

Vazhdon ‘gjahu’ – Arrestohet edhe një zyrtare policore në veri

Vazhdon ‘gjahu’ – Arrestohet edhe një zyrtare policore në veri