Kryetari i Komunës së Gjilanit, Lutfi Haziri, ka reaguar pas lajmit se atje janë shfaqur nëntë raste të reja me Covid-19.
“#Dita96. ISHKP na njoftoi për edhe nëntë raste të reja pozitive me #COVID19 të cilët janë raste kontakti me personat e infektuar të hënën dhe të martën”, ka shkruar Haziri në Facebook.
“Pra, dihet burimi i infeksionit dhe Komiteti emergjentë për parandalimin e përhapjes së #COVID19 po merret me trajtimin e rasteve dhe listën e kontakteve të fundit”, u shpreh tutje Haziri në rrjetin e tij social.
“Gjatë ditës, kemi publikuar pakon e re të masave që duhet të respektohen nga qytetarët, punëtorët e shtetit në të gjithë sektorët, punëtorët dhe bizneset private, institucionet fetare, organizimet shoqërore etj., për parandalimin e virusit, në mënyrë që gjendja të jetë e menaxhueshme”, ka vazhduar Haziri.
