menu
Kërko:
Facebook
Instagram
Publikuar sot, ora 19:24
PAS KUVENDIT ZGJEDHOR
Lutfi Haziri e nis fushatën si kandidat për kryeministër i LDK-së: #BesëlidhjaPërShtetin
Isa Mustafa është rizgjedhur sot për mandatin e tretë në krye të LDK-së. Në një Kuvend ku votimi është bërë me aklamacion dhe pa kundërkandidat, i vetmi që ka kundërshtuar ka qenë ish kryetari, Fatmir Sejdiu.
Më pas, gjithçka ka rrjedhur qetë dhe ka kundërshtime dhe brenda dy orësh Kuvendi i ka mbyllur punimet.
Edhe pse fillimisht, në ditët që lam pas, ishte spekuluar se mund të jenë dy ose më shumë kandidat, gjithçka sot ka shkuar “miqësisht”.
E njëri nga personat që ishte përmendur më së shumti për të zëvendësuar Mustafën, ka qenë Lutfi Haziri, kryetari i Gjilanit dhe nënkryetari i partisë, shkruan Ballkani.info.
Megjithatë, “Luta” sot ka thënë se unanimiteti në rizgjedhjen e Mustafës është ajo që ka kërkuar që nga fillimi.
E para pak çastesh, Haziri e ka publikuar një fotografi të përbashkët me Mustafën dhe të tjerët gjatë Kuvendit Zgjedhor.
“#BesëlidhjaPërShtetin”, ka shkruar Haziri, duke e zbuluar kështu ndoshta edhe slloganin që do ta ketë LDK-ja gjatë procesit zgjedhor për fushatën elektorale që pritet të caktohet pas shpërbërjes së Kuvendit, javën e ardhshme.
Se a do të jetë Haziri apo Vjosa Osmani kandidat të LDK-së për kryeministër, kjo pritet të mësohet javën e ardhshme. /Ballkani.info/
