Lladrovci njofton për pezullimin e mësimdhënësit që abuzoi seksualisht me 16 vjeçaren

E publikuar: 06/02/2019 16:05
Rreshtat+- AShkronjat+- Printo

Kryetar i Drenasit, Ramiz Lladrovci ka folur për skandalin e abuzimit seksual të 16 vjeçares nga zëvendës shefi i hetimeve i Policisë në këtë komunë.

Në një konferencë të jashtëzakonshme për media, Lladrovci ka bërë të ditur se mësimdhënësi me inicialet Sh.Gj, është pezulluar nga puna. Ai tutje ka shpjeguar edhe për periudhën kur ky mësimdhënës.

“Duke respektu legjislacionin në fuqi drejtoria e arsimit ka ripezullu këtë mësimdhënës, dhe ne si institucion do të inicojmë procedurë hetimore. Më 20 09 2017 ai është pezulluar nga puna. Deri në njoftimin e Prokurorisë kemi vazhdu pezullimin me 50 për qind të pagës”, ka thënë Lladrovci.

“Me të marrë vendimin se ai nuk është nën hetime ne i kemi shkruar edhe një herë prokurorisë sepse kemi menduar se nuk janë zhvilluar hetimet siç duhet. Aktvendimi nga Prokuroria neve na ka detyruar ta kthejmë në punë mësimdhënësin”, ka shpjeguar Lladrovci.

“Drejtoria e ka marrë vendimin dhe e ka ripezulluar mësimdhënësin. Ftojmë organet e drejtësisë që ta ndjekin këtë rast sepse ne besojmë në gjykatat tona”, ka thënë tutje ai.

Siç ka thënë Lladrovci, ai nuk ka besuar se nxënësja nuk është abuzuar. Megjithatë, Lladrovci, ka thënë se nuk ka pasur ankesa tjera ndaj këtij mësimdhënësi.

“Ne inkurajojmë edhe inspektoratin që këtë rast ta ndjekin sepse ka rase abuzive që i kanë përdorë zyrtarët. Shprehi keqardhje për këtë rast. Nxënësja në fjalë e ka hequr deklaratën e saj dhe padinë sepse ka thënë se nuk është e vërtetë deklarata ime”, ka thënë Lladrovci.
t