Liverpooli rrit ofertën për Alissonin

E publikuar: 14/07/2018 10:04
Rreshtat+- AShkronjat+- Printo

Liverpooli besohet se ka bërë ofertë të përmirësuar prej 60 milionë eurosh plus 10 milionë të tjera në formë bonusesh për portierin e Romës, Alisson.

Sipas La Repubblica, Liverpooli mbetet favorit për të transferuar portierin dhe tashmë ka çuar ofertën në 70 milionë euro përfshirë bonuset, por Roma kërkon 5 milionë eurotë tjera.

Lojtari do të nënshkruajë kontratë të vlefshme 5 milionë euro në sezon.

Real Madridit ju refuzua oferta prej 50 milionë eurosh për portierin dhe klubi mbretëror nuk e ka në plan të dërgojë ofertë tjetër, kurse Chelsea është një prej pretendentëve kryesorë në momentin që Sarri konfirmohet zyrtarisht si menaxher.

Alisson (Getty Images)

Drejtori i Romës aludoi të premtën se ai do të shqyrtonte ofertat për brazilianin.

“Vullneti për ta shitur Alissonin varet nga Roma”.

“Ne gjithmonë vlerësojmë çfarë marrim dhe në fund vendosim për të mirën e Romës. Nuk dua të flas për zëvëndësime, sepse Alisson nuk është larguar. Nëse momenti vjen, do të mendojmë për këtë”.

“A ka ndonjë afat? Gjithçka ka kohën e vet, nëse është 5 gusht në ora 3 të mëngjesit… gjithçka ka kohën e vet”, deklaroi Monchi. /Telegrafi/