Ligat kryesore evropiane, La Liga, Serie A, Liga Premier, Bundesliga dhe Ligue 1, janë në ditën e fundit të afatit kalimtar të janarit për vitin 2018.
Duke qenë se kanë mbetur edhe shumë marrëveshje të pambaruara, në orët në vazhdim klubet do t’i bëjnë përpjekjet e fundit për t’i realizuar transferimet që i kanë planifikuar.
Si gjithmonë, Telegrafi do t’ju mbajë të informuar në kohë reale për të gjitha detajet e transferimeve, kësaj radhe me një mbulim special prej 24 orësh.
Lajme Live
1 orë më parë
Ajaxi rivalizon Werderin për Rashicën
Gjatë ditës së martë u raportua se Milot Rashica është afër kalimit te Werder Bremeni për një shifër rreth 10 milionë euro.
Festa e Reshicës te goli ndaj Ajaxit në shtator të 2017
Por, TuttoMercatoWeb.com, ka befasuar të gjithë duke thënë se për yllin shqiptar të Vitesses është futur në garë edhe Ajaxi. Sipas burimit të lartpërmendur interesimi i gjigantëve holandez është shumë serioz.
2 orë më parë
Pak statistika… Paratë e shpenzuara në mbrojtje:
Krahasim real, por aq edhe qesharak
Man City: 320.4 milionë euro
Shteti i Letonisë: 319 milionë
Shteti i Bosnjës dhe Hercegovinës: 285 milionë
Shteti i Armenisë: 256.5 milionë
Shteti i Paraguait: 165 milionë
Shteti i Ganës: 137 milionë euro
Kështu Man City renditet në vendin e 94 në botë për Buxhetin në Mbrojtje
2 orë më parë
Blind në radarin e Romës
Klubi nga kryeqyteti italian ka shfaqur interesim për 27-vjeçarin holandez dhe sipas Mirror tashmë kanë filluar bisedimet mes klubeve.
2 orë më parë
Newcastle e interesuar të bëjë blerje të mëdha
Sipas ‘Telegraph’, Newcastle Unitedi ka shfaqur interesim për dyshen Eliaquim Mangala dhe Islam Slimani.
2 orë më parë
Rashica afër kalimit te Werder Bremeni nga Vittese
Sulmuesi nga Kosova pritet të nënshkruajë kontratë me klubin gjerman për katër vite e gjysmë, ndërsa për kartonin e tij klubi holandez pritet të përfitojë rreth 10 milionë euro.
Me këtë rast Rashica do të bëhej një nga shitjet më të mëdha në histori të Vitteses.
Çmimi minimal i marrëveshjes mund të jetë shtatë milionë, maksimal dhjetë (Getty Images)
3 orë më parë
Formacioni më i mirë i transferimeve të janarit
‘Goal‘ ka përpiluar formacionin më të mirë me lojtarët që janë transferuar në afatin kalimtar të janarit nga data 1 deri në atë 30, pra nuk përfshihen transferimet e ditës së sotme.
3 orë më parë
Leicesteri i vendos çmim Mahrezit
Manchester City dëshiron me çdo kusht Riyad Mahrezin, por sipas Daily Star për ta marrë anësorin nuk do të jetë aspak e lehtë. Leicesteri nuk do ta shes atë nëse City nuk paguan 80 milionë euro.
3 orë më parë
Ibra te La Galaxy?
Sipas L’Eqiupes, sulmuesi i Manchester Unitedit ka marrëveshje transferimi me LA Galaxy dhe ajo është arritur që në ditët e para të janarit.
3 orë më parë
West Hami dëshiron Amadoun
West Haimi ka bërë një ofertë për Ibrahim Amadou e Lilles. 2.2 milionë eruo si huazim, por me obligim blerje për 16 milionë të tjerë gjatë verës.
3 orë më parë
Zyrtare: Zarate huazohet te Watfordi
Klubi anglez ka njoftuar se ka huazuar argjentinasin e famshëm Mauro Zaraten nga Velez Sarsfield.
3 orë më parë
Moura është i Tottenhamit
Sipas ‘Daily Telegraph’, Tottenham Hotspuri ka arritur marrëveshje me Lucas Mouran për rreth 30 milionë euro. Zyrtarizimi pritet të vijë në orët e para të mëngjesit.
3 orë më parë
Zyrtare: Mata rinovon me Unitedin
Spanjolli ka rinovuar kontratën me Djajtë e Kuq deri në qershor të 2019.
4 orë më parë
Zyrtare: Bartra kalon nga Borussia Dortmund te Real Betis
Mbrojtësi spanjoll Marc Batra është kthyer në Spanjë, duke nënshkruar për Real Betisin.
Ai ka nënshkruar kontratë pesëvjeçare me klubin andaluzian, duke u larguar nga Borussia Dortmund.
4 orë më parë
Zyrtare: Sandro kalon te Sevilla
Klubi andaluzian ka arritur të nënshkruajë me sulmuesin Sandro që vjen nga Evertoni.
Sevilla e ka marrë sulmuesi në formë huazimi deri në fund të sezonit.
4 orë më parë
Zyrtare: Chelsea ka nënshkruar me Emersonin
Chelsea e ka zyrtarizuar ardhjen e Emerson Palmieri në orët e vonona të mbrëmjes, duke e transferuar nga Roma.
Mbrojtësi 23-vjeçar ka nënshkruar për katër vite e gjysmë, ndërsa do ta bartë fanellën me numrin 33.
#EmersonPalmieri #Chelsea, ufficialità in arrivo 👌🏼 pic.twitter.com/uaSrvgzkyJ
— Matteo Pedrosi (@MatteoPedrosi) January 30, 2018
.@EmersonPalmieri is a Blue!
Full story 👉 https://t.co/a8VTRAXsQj#WelcomeEmerson pic.twitter.com/AcVjRg5DOC
— Chelsea FC (@ChelseaFC) January 30, 2018
4 orë më parë
Agjenti i Pastores: Huazimi te Interi, i pamundur
Agjenti i Javier Pastores ka thënë se është i pamunduar huazimi i klientit të tij nga Paris Saint-Germaini te Interi.
(Foto: Getty Images)
Marcelo Simonian, përfaqësuesi i mesfushorit argjentinas, ndodhet në Milano për të biseduar me Nerazzurrët, mirëpo duket se nuk do të ndodhë transferimi në këtë afat kalimtar.
4 orë më parë
Interi ka refuzuar 65 milionë euro për Skriniarin
Interi ka kohë që ishte në kërkim të një mbrojtësi të ri dhe të fortë dhe ardhja e Milan Skriniar i kishte përmbushur pritshmëritë.
Agjenti i mbrojtësit ka thënë se për lojtarin e tij ka pasur oferta deri nga 60 deri në 65 milionë euro, por që Interi i ka refuzuar.
4 orë më parë
Në pritje të zyrtarizimit të Rashicës te Werder Bremeni
Milot Rashica te Werder Bremen duket praktikisht e kryer, pasi edhe vet klubi ka lëshuar komunikatë.
