Deputetët e Listës Serbe kanë vendosur që të kthehen në Kuvendin e Kosovës.
Por, shefi i Grupit Parlamentar të Listës Srpska, Sllavko Simiq, tha për Tanjug se këtë po bëjnë “në mënyrë që t’i shfrytëzojnë të gjitha mundësitë që ta pengojnë formimin e ushtrisë së Kosovës”.
Për këtë hap, Simiq ka thënë se kanë vendosur duke marrë parasysh interesat e popullit serb në Kosovë, si dhe situatën, siç ka thënë ai, “komplekse” të politikës dhe sigurisë në Kosovë.
Kthimin e Listës Srpska në institucionet e Kosovës e kishte paralajmëruar më herët kryeministri i Serbisë, Aleksandar Vuçiq.
