Limaj thotë se është në interes të Serbisë ta njohë Kosovën

30.03.2019 13:32
Rreshtat+- AShkronjat+- Printo
Limaj thotë se është në interes të Serbisë ta njohë Kosovën

Zëvendëskryeministri i Kosovës dhe bashkëkryesuesi i Delegacionit Shtetëror për Bisedime me Serbinë, Fatmir Limaj ka thënë se me miratimin e Platformës për Dialog me Serbinë, Kosova demonstroi seriozitet dhe gatishmëri për dialog për arritjen e një marrëveshjeje që do t’i mbyllte çështjet e hapura midis dy vendeve tona, duke u dhënë mundësi dhe mundësi vendeve tona për të realizuar interesat strategjike të integrimit.

Ai beson se Serbia duhet të njohë realitetin e problemit dhe të kuptoj se zgjidhja e vetme e pranueshme është njohja reciproke.

Limaj në një intervistë për agjencinë serbe ‘Beta’, ka thëtë se është në interesin e Serbisë që ta njohë Kosovën.

Sa i përket taksës, ai ka thënë se Serbia nuk mund ta ketë në dispozicion tregun e Kosovës për sa kohë që nga mëngjesi deri në mbrëmje përpiqet që ta çmontojë vendin tonë.

Numri dy i Qeverisë së Kosovës, ka folur edhe për krijimin e një gjykatë e cila do t’i hetonte krimet e Serbisë të kryera në Kosovë.

Kjo gjykatë, sipas tij, është e nevojshme pasi Serbia dhe presidenti serb Vuçiq mohojnë masakrat në Kosovë, siç është rasti i masakrës së Reçakut.

“Platforma është bazuar në dokumentet tona kushtetuese në të cilat është ndërtuar shteti ynë. Platforma rrjedh nga Kushtetuta e Kosovës, nga Deklarata e shpalljes së Pavarësisë së Kosovës, paketën e Ahtisiarit si dhe vendimin e Gjykatës Ndërkombëtare të Drejtësisë. Dhe kjo nuk ishte e papritur diçka që do të mund ta surprizonte Serbinë”, shtoi Limaj.

Më tej zëvendëskryeministri i Kosovës thotë se Delegacionit i shtetit të Kosovës,  është i vetmi institucion apo mekanizëm që ka mandatin e Kuvendit të Kosovës për të diskutuar një dialog të mundshëm me Serbinë dhe askush tjetër, dhe thekson se pret “që të gjithë do të respektojë vendimin e Kuvendit të Kosovës.”

Limaj ka thënë se i kupton vështirësitë që Serbia ka në lidhje me temën e njohjes së Kosovës, megjithatë thotë se ajo duhet të vendos nëse do të jetojë më të kaluarën apo të ardhmen.

Sipas Limaj, është në interesin e Serbisë të njoh realitetin dhe njohë pavarësinë e Kosovës për të filluar ndërtimin e marrëdhënieve si dy vende fqinjë.

Ai ka thënë se realizimi i reciprocitetit në raport me të drejtat e serbëve në Kosovë me të drejtat e shqiptarëve në Luginën e Preshevës “epiqendra e marrëveshjes” dhe se si e tillë ajo është përfshire dhe në platformën për dialog.

“Reciprociteti në të drejtat e shqiptarëve në Luginën e Preshevës është një tjetër temë pas njohjes së Kosovës në dialogun me Serbinë, ajo është epiqendra e marrëveshjes”, tha ai.

Sa i përket taksës, Limaj ka thënë se është reagim i Kosovës ndaj sjelljes se Serbisë dhe fushatës agresive diplomatike kundër Kosovës.

“Tarifa nuk përfaqëson vizionin e Kosovës. Ne jemi për tregtinë e lirë, tregu për vizionin evropian për lëvizjen e lirë të mallrave dhe njerëzve, por raportet mes Kosovë dhe Serbinë nuk janë normale”, tha Limaj.

“Serbia  duhet të luftojë për tregun e Kosovës. Është e pamundur dhe e papranueshme që nga mëngjesi deri në mbrëmje ju të punoni për të  çmontuar këtë vend dhe në të njëjtën kohë të kërkoni ta keni në dispozicion tregun e këtij vendi.”, shtoi ai.

Limaj tha se në platformë parashihet krijimi i një gjykatë të veçantë për të hetuar krimet e kryera të Serbisë në Kosovë.

“Tani jemi në një kohë ku thuajse çdo ditë shënohet përvjetori i masakrave të kryera nga serbët në Kosovë. ” tha ai.

Gjykata, tha Limaj është e nevojshme për shkak se përfaqësuesit e Serbisë “refuzojnë të njohin masakrat që janë kryer, ashtu si edhe presidenti Aleksandar Vuçiq i cili muaj me parë mohoi masakrën e Reçakut.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Pasi e pranuan aktgjykimin e Kushtetueses, LDK-ja mblidhet nesër

Pasi e pranuan aktgjykimin e Kushtetueses, LDK-ja mblidhet nesër

Haziri: Kemi aktivizuar të gjitha shërbimet e parapara me pakon e tretë të lehtësimit të masave

Haziri: Kemi aktivizuar të gjitha shërbimet e parapara me pakon e tretë të lehtësimit të masave

OAK kërkon të largohet tarifa për dezinfektim ose të mbulohet nga shteti

OAK kërkon të largohet tarifa për dezinfektim ose të mbulohet nga shteti

Reciprociteti: Sot 11 maune me mallra serbe nuk u lejuan të hyjnë në Kosovë

Reciprociteti: Sot 11 maune me mallra serbe nuk u lejuan të hyjnë në Kosovë

Presidenti njofton se do të mbajë konferencë për media në ora 16:00

Presidenti njofton se do të mbajë konferencë për media në ora 16:00

Gjykata Kushtetuese publikon vendimin e plotë për dekretin e presidentit Thaçi

Gjykata Kushtetuese publikon vendimin e plotë për dekretin e presidentit Thaçi

Haradinaj: Ka mundësi reale që nesër të votohet Qeveria

Haradinaj: Ka mundësi reale që nesër të votohet Qeveria

Edhe pse pa paralajmërim! Qeveria iu ka kërkuar bizneseve  nga 22 euro për dezinfektim në Vërmicë

Edhe pse pa paralajmërim! Qeveria iu ka kërkuar bizneseve nga 22 euro për dezinfektim në Vërmicë

AKR-ja: Ne do ta votojmë Qeverinë Hoti, por jemi në opozitë

AKR-ja: Ne do ta votojmë Qeverinë Hoti, por jemi në opozitë

Kryqi i Kuq i Kosovës: Jem mirënjohës për mbështetjen e donatorëve gjatë pandemisë COVID-19

Kryqi i Kuq i Kosovës: Jem mirënjohës për mbështetjen e donatorëve gjatë pandemisë COVID-19

Në Gjilan nis normalizimi i jetës

Në Gjilan nis normalizimi i jetës

Në Klinikën Infektive, 3 janë në gjendje më të rëndë

Në Klinikën Infektive, 3 janë në gjendje më të rëndë

Nuk duan australianët që çokollatat e tyre të preferuara të prodhohen në Kinë e Egjipt

Nuk duan australianët që çokollatat e tyre të preferuara të prodhohen në Kinë e Egjipt

Ulet në mënyrë drastike numri i të prekurve me COVID-19 në Shqipëri

Ulet në mënyrë drastike numri i të prekurve me COVID-19 në Shqipëri

Rëndoi gjendjen e fëmijëve në Kosovë, koronavirusi

Rëndoi gjendjen e fëmijëve në Kosovë, koronavirusi

BQK: Sqarim për shtyrjen e afatit për pagesën e kësteve të kredive

BQK: Sqarim për shtyrjen e afatit për pagesën e kësteve të kredive