Zëvendëskryeministri i Kosovës, njëherësh kryetar i Nismës Socialdemokrate, Fatmir Limaj, ka uruar besimtarët e krishterë për Festën e Krishtlindjes.
Limaj ka thënë se kjo festë e përçon më së miri mesazhin e paqes, tolerancës dhe humanizmit.
“Gëzuar Krishtlindjet të gjithë besimtarëve të krishterë. Uroj që këtë festë ta kaloni sa më mirë, me shëndet e mirëqenie”, ka shkruar ai në Facebook.
“Urime Ipeshkvisë së Kosovës për këtë festë e cila përçon më së miri mesazhin e paqes, tolerancës dhe humanizmit”, thuhet më tej në mesazhin e Limajt.
“Harmonia ndërfetare e ka karakterizuar popullin shqiptar në vazhdimësi dhe shpresoj që këtë traditë ta kultivojmë edhe në të ardhmen”, ka shkruar ai.
“Urime edhe për përfaqësuesit e bashkësisë ndërkombëtare dhe misionet diplomatike në Kosovë të besimit të krishterë. Për shumë mote Krishtlindjet!”, përfundon urimi i Limajt. /