Limaj: Opozita në Kosovë ka probleme brenda vetes

E publikuar: 24/09/2018 22:05
Rreshtat+- AShkronjat+- Printo

Zëvendëskryeministri i Kosovës, Fatmir Limaj ka thënë se veprimet e çakorduara e dëmtojnë Opozitën.
‘Unë e di që kam investuar për të pasur një Opozitë të bashkuar, ka qenë investim i madh për të pasur një të bashkuar’, tha Limaj në emisionin Zona B në Klan Kosova.

Ai tutje tha se kjo opozitë në Kosovë ka probleme brenda vetes në kauzat dhe hapat që po i ndërmarrin.

Veprimet e çakorduara e dëmtojnë Opozitën. Opozita ka probleme brenda vetes, qoftë me kauza, qoftë në hapat që po i ndërmarrin. Nuk është lehtë për të pasur një Opozitë të bashkuar’, tha ai.

Megjithatë, Limaj tha se Qeveria duhet të jetë e kujdesshme ngase mocioni i mosbesimit mund të vijë në çdo moment.

‘Unë mendoj që mazhoranca e përgjithshme duhet të jetë e kujdesshme sepse çështja e mocionit mund të vijë brenda një momenti, në çdo rast. Nëse nuk ka angazhim ose përgjegjësi në punën që e bën. Mazhoranca që nuk punon i ndodhë’.