Kryetari i Nismës Socialdemokrate, Fatmir Limaj, nëpërmjet një statusi në rrjetin e tij social Facebook ka përkujtuar jetën dhe veprën e Adem Demaçit.
Ky është postimi i tij i plotë;
Dy vjet pa një nga veprimtarët më të shquar të çështjes kombëtare dhe simbolin e rezistencës kombëtare, Adem Demaçin.
Baca Adem ishte dhe mbetet udhërrëfyesi më i mirë për djemtë dhe vajzat e reja që duan ta nderojnë vendin dhe kombin e vet.
Ai qëndroi i pathyer prapa grilave për gati tri dekada, në mbrojtje të së drejtës për liri dhe pavarësi, ruajtjes së identitetit kombëtar shqiptar në ish-Jugosllavi.
Qytetarët e Kosovës për jetë e mot do ta nderojnë dhe kujtojnë jetën dhe veprën e bacës Adem.