Kryetari i Nismës për Kosovën, Fatmir Limaj ka thënë se sakrifica komandantit legjendar Adem Jashari dhe familjes së tij u kthye në një rreze shprese për lirinë e Kosovës. Kjo sipas tij mobilizoi gjithë kombin shqiptar
“Sot kthehemi pas 19 viteve, atëherë kur popullit të Kosovës i kishte humbur shpresa, i ishte dhunuar dinjiteti dhe ishte në prag të shfarosjes, një moral për toke, por doli lufta e komandantit legjendar dhe sakrifica e tij që u kthye në fuqi”, ka thënë Limaj.
“Sakrifica e tij ishte një rreze lirie që mobilizoi gjithë kombin shqiptar. Çka kemi sot themelet i kanë në luftën e komandantit legjendar”, ka thënë Limaj.
