LDK-ja e konfirmon mbledhjen e nesërme të Kryesisë

E publikuar: 13/12/2019 21:03
Rreshtat+- AShkronjat+- Printo

Lidhja Demokratike e Kosovës njofton zyrtarisht se ka thirrur për nesër mbledhjen e Kryesisë së partisë.

“Nesër (e shtunë), më datë 14 dhjetor 2019, në orën 11:00, në Selinë e LDK-së, mbahet mbledhja e Kryesisë së LDK-së”, thuhet në njoftimin për media.

LDK e VV kanë pasur një takim të gjatë sot, dhe duken afër arritjes së marrëveshjes për koalicion qeverisës.

Nesër këto dy subjekte do të takohen edhe njëherë, ndërsa Glauk Konjufca i Vetëvendosjes ka thënë se ky takim nuk do të mund të ndodhte nëse palët nuk po shkojnë drejt afrimit të marrëveshjes.

Nga ana tjetër, Vetëvendosje po kështu ka thirrur për nesër mbledhje të Kryesisë, e cila siç mësohet jozyrtarisht, do të mbahet në orën 09:00.