LDK bllokoi hetimet për SHIK-un

31.10.2016 11:25
Rreshtat+- AShkronjat+- Printo
LDK bllokoi hetimet për SHIK-un

Iniciativa për krijimin e një Komisioni Parlamentar për ta hetuar veprimtarinë e Shërbimit Informativ të Kosovës (SHIK) është stagnuar nga Lidhja Demokratike e Kosovës. Kështu të paktën thonë përfaqësuesit e tri subjekteve opozitare (“Vetëvendosje”, AAK dhe Nisma për Kosovën).

Opozitarët akuzojnë LDK-në e Isa Mustafës që, sipas tyre, shumicën e votave i mori duke u thirrur vazhdimisht kundër shërbimit të cilin e drejtoi Kadri Veseli.

Në partinë e Visar Ymerit thonë se dështimi për krijimin e këtij Komisioni ishte se nuk ishin nënshkrimet e nevojshme nga parlamentarët.  Deputetja e LVV-së, Shqipe Pantina në një prononcim për “Indeksonline”, thotë se ishte numër i vogël i deputetëve të LDK-së që nënshkruan këtë iniciativë.

“VV ka iniciuar mbledhjen e nënshkrimeve të nevojshme për krijimin e komisionit hetimor, mirëpo për fat te keq nuk kemi arrite t’i mbledhim 40 nënshkrimet e nevojshme. Nënshkrimet e tyre i kane dhënë të gjithë deputetët e opozitës dhe disa deputetë të LDK-së por ky numër nuk ka arritur në 40 sa janë te nevojshme për te krijuar komision hetimor”, është shprehur ajo.

(Foto: Shqipe Pantina)

Edhe Aleanca për Ardhmërinë e Kosovës fajëson LDK-në për moskrijimin e Komisionit i cili do ta hetonte SHIK-un. Deputetja e partisë së Haradinajt, Time Kadriaj thotë se një numër i madh i deputetëve të LDK-së hezituan ta nënshkruajnë formimin e këtij komisioni.

“Për formimin e një komisioni të tillë nevojitet nënshkrimi i 40 deputetëve, apo ¼ të tyre. Opozita e kishe nënshkruar këtë iniciativë, mirëpo ishin deputetët e LDK-së kanë hezituar ta nënshkruajnë.

Një organizim i tillë siç ishte SHIK-u dhe shprehet shqetësim nga shumë deputetët, atëherë duhet të nënshkruhet.  Ndërsa disa po bëjnë vetëm politikë para njerëzve dhe elektoratit ndërsa nuk po kërkon asgjë konkrete”, është shprehur ajo.

(Foto: Time Kadriaj)

Nga ana tjetër, “Nisma për Kosovën” thotë se kërkesat që janë bërë në Parlament kanë qenë momentale dhe sipas emocioneve. Deputeti i këtij subjekti, Zafir Berisha shprehet se shërbimet të cilat kanë operuar nga paslufta duhet të hetohen më detajisht për veprimtarinë e tyre.

Mirëpo, edhe deputeti i partisë së Famtir Limajt fajëson Lidhjen Demokratike të Kosovës për dështimin e Komisionit i cili do të “skenonte” veprimtarinë e SHIK-ut.

“Një fjalë popullore thotë: “Hajni, hajni, nuk e zenë”. Pra, s’di kush do ta hetojë SHIK-un dhe shërbime të tjera që kanë operuar në Kosovë. Angazhimi i tyre deri më tash ka mbetur misterioz.  Në anën tjetër, vet ata që kanë kërkuar gjoja me hetu SHIK-un  si organizatë e lidhur me PDK-në, ata në fund vet u banën SHIK dhe PDK. Nuk po shpresojë se kjo legjislaturë përveç fjalëve të mdhaja për konsum të politikës ditore dhe për manipulim të elektoratit të tyre këtë çështje e ka seriozisht”, ka thënë ai për “Indeksonline”

(Foto: Zafir Berisha)

Ndryshe, ishte ish-lideri i LVV-së, Albin Kurti i cili i pari që mori iniciativën për krijimin e një Komisioni të tillë.  “Ne do ta vazhdojmë iniciativën tonë për një komisioni parlamentar për SHIK-un për shkak se konsiderojmë që nuk mund të ketë as republikë parlamentare as pavarësi të shtetit as drejtësi ligjore, as demokraci institucionale pa hetimin dhe zbardhjen e çështjes së SHIK-ut”, kishte deklaruar ai.

Sipas tij, SHIK-u ka qenë shërbim dhe se qytetarët e Republikës duhet ta dinë se kujt i ka shërbyer.“Me vet fjalën që e ka në emërtim “shërbim” kjo imponon që i ka shërbyer dikujt dhe duhet ta dimë kujt. Duhet ta dimë strukturën, financat, bazën ligjore, misionin dhe synimin si dhe përbërjen”, kishte deklaruar Kurti./Indeksonline/ 

(Foto: Albin Kurti)

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Prokuroria hesht lidhur me përgjimet ndaj BDI-së

Prokuroria hesht lidhur me përgjimet ndaj BDI-së

Shtetet që janë kundër liberalizimit për kosovarët

Shtetet që janë kundër liberalizimit për kosovarët

Pacolli: Do të doja të them që vizat hiqen nesër, por s’mund të them

Pacolli: Do të doja të them që vizat hiqen nesër, por s’mund të them

Serbia pret që Macron ta detyrojë Kosovën që ta heq taksën

Serbia pret që Macron ta detyrojë Kosovën që ta heq taksën

Haradinaj: Gjermania, përkrahësi kryesor i Kosovës në zhvillim dhe integrime euro-atlantike

Haradinaj: Gjermania, përkrahësi kryesor i Kosovës në zhvillim dhe integrime euro-atlantike

Byroja Kosovare e Sigurimit “pakt” 200 mijë eurosh me vëllanë e presidentit për t’ia shuar pozitën

Byroja Kosovare e Sigurimit “pakt” 200 mijë eurosh me vëllanë e presidentit për t’ia shuar pozitën

Punësime pa konkurs dhe avancime të dyshimta në Telekom

Punësime pa konkurs dhe avancime të dyshimta në Telekom

Osmani thotë se presin që deputetë të Nismës të bashkohen për rrëzimin e Qeverisë

Osmani thotë se presin që deputetë të Nismës të bashkohen për rrëzimin e Qeverisë

Zaev kritikohet për marrjen e drejtimit të Ministrisë së Financave

Zaev kritikohet për marrjen e drejtimit të Ministrisë së Financave

Socialdemokratët e Austrisë: Pa u hequr taksa, s’ka zgjidhje për problemin Kosovë-Serbi

Socialdemokratët e Austrisë: Pa u hequr taksa, s’ka zgjidhje për problemin Kosovë-Serbi

Haradinaj: Krenar me luftën dhe përkushtimin e Akil Gjakovës

Haradinaj: Krenar me luftën dhe përkushtimin e Akil Gjakovës

Gjenocidi, fjala e mohuar

Gjenocidi, fjala e mohuar

Për një vit u arrestuan 784 të mitur

Për një vit u arrestuan 784 të mitur

Deputeti i AAK-së: Po përgatiten komisionet për korrigjimin e kufirit me Malin e Zi

Deputeti i AAK-së: Po përgatiten komisionet për korrigjimin e kufirit me Malin e Zi

11 të vdekur në bregdetin shqiptar gjatë kësaj vere

11 të vdekur në bregdetin shqiptar gjatë kësaj vere

Qindra miliona euro shpenzime më shumë për mëditje, mallra e shërbime

Qindra miliona euro shpenzime më shumë për mëditje, mallra e shërbime