(I përmirësuar) Deputetët e Kuvendit të Kosovës me 76 vota pro kanë votuar në parim plotësim-ndryshimet e Ligjit për deminimin humanitar. I njëjti u konsiderua i domosdoshëm për FSK-në pas ndryshimit të mandatit ligjor të tij dhe në bazë kësaj mbështetje i dhanë gjitha grupet parlamentare shqiptare.
Ministri i Mbrojtjes, Anton Quni duke arsyetuar projektligjin tha se qëllimi është inkorporomi i ndryshimeve ligjore të FSK-së.
“Hartimi i këtij projektligji është iniciuar me qëllim të inkorporimeve të ndryshimeve ligjore, si rezultat të ndryshimit mandatit ligjor të FSK-së, por edhe me qëllim të riqëllimit të aktiviteteve të deminimit humanitar dhe strukturave përgjegjëse për këtë aktiviteteve”, tha ai.
Në emër të LVV-së, deputetja Fatmire Kollçaku- Mulhaxha tha se e mbështesin në parim projektligjin.
“Në parim e mbështesim këtë projektligj brenda- dy leximeve do të japim kontributet tona”, tha ajo.
Mbështetje ky projektligj mori edhe nga partia tjetër opozitare PDK. Deputetja Ganimete Musliu tha se kontributin e tyre do të japin mes dy leximeve.
“Grupi parlamentar i PDK-së e mbështet në lexim të parë këtë projektligj dhe kontributin do të jap në mes të dy leximeve”, tha ai.
Ndërkaq, deputeti i LDK-së, Hatim Baxhaku tha se ky projektligj është i domosdoshëm.
“Është i domosdoshëm harmonizimi i ligjit ekzekutues për deminim humanitar. Prandaj LDK përkrah këtë projektligj”, tha ajo.
Seanca plenare po vazhdon me pika të tjera që janë në rend të ditës./E.Zeqiri/
