Foto e video duke konsumuar marijuana tek ta mund të gjesh plot. Duke filluar nga Enca, këngëtarja që ka bërë sup me hashash, vishet me gjethen e kanabisit, i kushton këngë (Dridhe njo e po pim bari) e shumë të tjera. Enca e ka pranuar hapur përdorimin e kësaj lënde narkotike dhe nuk ngurron që sa herë ta konsumojë të ndajë foto me fansat.
I dyti në listë është Stresi i cili e ka treguar që pi hashash jo vetëm me fotot ku mban thesa me bimën e kanabisit, por edhe në intervista është shprehur se tymos çdo ditë.
Pak më rrallë shihet të publikojë foto duke tymosur është Noizy i cili gjithashtu i ka kushtuar këngë hashashit, të titulluar “Hashash me thasë”. I ftuar në “Xing me Ermalin” ai tregoi se një ditë para koncertit bashkë me djemtë e OTR kishin përgatitur edhe kek hashashi.
Ndër VIP-at e showbizit që tymosin hashash është edhe Era Istrefi e cila jo vetëm e ka përmendur në këngën “Bonbon” (Sunday night I put a light in my blunt right / Të dielave e ndez një cigare hashash), por gjithashtu këngëtarja lexon edhe libra mbi hashashin.
Cozman është gjithashtu ndër reperët që konsumon hashash, majde 3 vite më parë u tha se ai dhe Tuna ishin kapur me hashash dhe ishin arrestuar.
Ndërsa reperi Bash Buta jo vetëm që e pinë hapur hashashin, por edhe në një prej klipeve të tij shfaqet duke e konsumuar para kamerës.
Anxhelina Hadërgjonaj gjithashtu tymos, por rrallë. Këtë e ka pranuar duke publikuar rrallë foto ku shihet me cigaren e hashashit në dorë. “Në Los Angelos është e ligjshme. Nuk më pëlqen Cannabis indica sepse të qetëson shumë, sativa të bën më shumë energjike”, është shprehur Anxhelina në “Xing me Ermalin” pak kohë më parë.
Edhe kushërira e saj, Beatrix ka pranuar se pi hashash e ka postuar foto duke tymosur. “Unë vdes për hashash”, është kjo deklarata që i habiti të gjithë pak kohë më parë. Këngëtarja ka treguar se e ka provuar në Hollandë për herë të parë.
Ndërsa Einxhel Shkira provoi të tymoste bar pak kohë më parë kur kishte ditëlindjen, por në një intervistë u shpreh se nuk i ka pëlqyer. “Nami të bëhej do ta provoja dhe barin. Bari ishte një formë rebelimi ndaj njerëzve, ndaj moshës dhe sigurisht dëshira për eksperienca të privuara vetes. E shijova jashtë mase shumë, dhe do të doja që njerëzit të kishin më shumë informacion për këtë lloj bime, jo që ta pinë, se as unë vetë s’jam konsumatore, por që të lënë rehat të tjerët ta shijojnë, nëse kjo është zgjedhja tyre”, u shpreh Einxhel.
Dhe e fundit në listë është Luana. Jo, ajo nuk e konsumon, por kohë më parë bëri xhiron e rrjeteve sociale një foto e saj duke pirë bar ndërsa Luana shkruante se thjesht po e provonte. Siç duket as asaj nuk i ka pëlqyer pasi nuk e kemi parë më ta konsumojë.
© Luana Vjollca [instagram]
