Kurti vazhdon ta theksojë në mediat e huaja se dialogu s’është prioritet i tij

22.02.2021 14:54
Rreshtat+- AShkronjat+- Printo
Kurti vazhdon ta theksojë në mediat e huaja se dialogu s’është prioritet i tij

Bullgaria dhe Kosova ndajnë qëllime dhe interesa të përbashkëta, tha në një intervistë për Agjencinë Bullgare Telegrafike (BTA), Albin Kurti, udhëheqës i Lëvizjes Vetëvendosje, e cila mori një fitore të madhe në zgjedhjet e parakohshme të 14 shkurtit në Kosovë me gati 48% të votave nga të dhënat paraprake.Në këtë intervistë, Kurti ritheksoi atë që tashmë është fjalia kryesore e deklaratave të tij pas zgjedhjeve, se dialogu me Serbinë s’është prioritet për të.“Ne do të bëjmë një lëshim dhe do ta bëjmë dialogun me Serbinë prioritetin numër katër – pas vendeve të punës, drejtësisë dhe pandemisë COVID-19”, tha Kurti.

Ai shprehu shpresën për një dialog të sinqertë nën kujdesin e Brukselit dhe me ndihmën e Shteteve të Bashkuara, bazuar në reciprocitet dhe barazi. Kurti e përshkroi Bullgarinë si një aleat të ngushtë të Kosovës dhe tha se Prishtina mund të mësojë shumë nga Sofja për integrimin evropian. Kreu i LVV-së thotë se Kosova do të aplikojë për statusin e kandidatit për në Bashkimin Evropian dhe shpreson që qeveria e tij e ardhshme do të punojë ngushtë me Bullgarinë si për integrimin evropian të Prishtinës ashtu edhe për zhvillimin e marrëdhënieve dypalëshe, në të cilat tha se mund të arrihet një shkëmbim shumë më dinamik ekonomik dhe kulturor.
Albin Kurti theksoi se integrimi i Kosovës në BE është një proces që po vijon shumë ngadalë, duke theksuar se vendi nuk ka marrë ende liberalizimin e vizave, megjithëse i ka përmbushur të gjitha kriteret. Ai shprehu synimin e tij për të punuar intensivisht me pesë vendet anëtare që nuk e kanë njohur ende pavarësinë e Kosovës – Spanjën, Sllovakinë, Rumaninë, Greqinë dhe Qipron.
Kurti tha se do të përpiqet t’i bindë ata se nuk duhet të kenë frikë të njohin pavarësinë e Kosovës dhe se nuk duhet të krahasohen me Serbinë, për të cilën ai tha se kreu gjenocid më 1999. Lideri i Vetëvendosjes tha se Ballkani dhe BE-ja janë shumë të rëndësishme për njëri-tjetrin dhe se integrimi i gjashtë vendeve të Ballkanit Perëndimor, të cilat janë ende jashtë Bashkimit, duhet të përfundojë sa më shpejt të jetë e mundur. Ndër çështjet kryesore ku do të përqendrohet kabineti i ardhshëm i Kosovës, Kurti theksoi se është çështja e vendeve të reja të punës dhe drejtësinë. Papunësia në vend arrin 40% dhe kreu i Vetëvendosjes planifikon të punojë shumë për të investuar në punë, veçanërisht midis të rinjve dhe grave.

Kjo, së bashku me vendosjen e shtetit të së drejtës dhe luftën kundër korrupsionit dhe krimit, ai tha se do të lejojë që vendi të dalë nga cikli i krizave dhe të shkelë në binarët e përparimit socio-ekonomik. I pyetur për koalicionet, Albin Kurti tha se përveç Listës së Vjosa Osmanit, partia e tij nuk sheh partnerë tjerë të mundshëm në asnjë nga partitë e “regjimit të vjetër”.Ai shprehu synimin e tij për të kërkuar mbështetje nga përfaqësuesit e pakicave joserbe dhe ligjvënësit individualë të opozitës që vendosin të përfaqësojnë zgjedhësit e tyre më shumë sesa partitë të cilave u përkasin. Pas zgjedhjeve, Albin Kurti ka thënë disa herë se dialogun s’e ka prioritet. Para pak ditësh, të njëjtën ia tha edhe gazetës zvicerane në gjuhën frënge, “Le Temps, në një intervistë./EO/

Komentet

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Dritan Abazoviqi merret në pyetje nga policia

Dritan Abazoviqi merret në pyetje nga policia

Ritmi i vaksinimit: Shqipëria e para, Kosova e parafundit

Ritmi i vaksinimit: Shqipëria e para, Kosova e parafundit

Mediat austriake: Qeveria Kurti u është sulur mediave, dëshiron ta mbyllë RTK-në

Mediat austriake: Qeveria Kurti u është sulur mediave, dëshiron ta mbyllë RTK-në

Moti për dy ditët e ardhshme

Moti për dy ditët e ardhshme

Përgatitet padi ndaj Ministrisë së Shëndetësisë

Përgatitet padi ndaj Ministrisë së Shëndetësisë

Gastronomët protestojnë kundër masave në Maqedoninë e V.

Gastronomët protestojnë kundër masave në Maqedoninë e V.

Sveçla takohet me Orlandon, flasin për luftimin e krimit të organizuar

Sveçla takohet me Orlandon, flasin për luftimin e krimit të organizuar

Sindikata kërkon shkarkimin e Bordit të RTK-së

Sindikata kërkon shkarkimin e Bordit të RTK-së

Shqipëria siguron nga BE edhe 145 mijë doza të vaksinës Pfizer

Shqipëria siguron nga BE edhe 145 mijë doza të vaksinës Pfizer

Ministri gjerman: Vaksinat për Ballkanin Perëndimor janë dëshmi solidariteti

Ministri gjerman: Vaksinat për Ballkanin Perëndimor janë dëshmi solidariteti

Osmani në takim me Abbott: Orientimi afatgjatë strategjik i Kosovës mbetet anëtarësimi në NATO

Osmani në takim me Abbott: Orientimi afatgjatë strategjik i Kosovës mbetet anëtarësimi në NATO

Merret vendim për organizimin e mësimit plotësues në arsimin parauniversitar

Merret vendim për organizimin e mësimit plotësues në arsimin parauniversitar

14 viktima dhe 442 raste të reja me COVID-19

14 viktima dhe 442 raste të reja me COVID-19

Organizohet Forumi i III-të Biznesor me Greqinë, me fokus sektorin e energjisë

Organizohet Forumi i III-të Biznesor me Greqinë, me fokus sektorin e energjisë

Aktakuzë ndaj dy zyrtarëve të Komunës së Suharekës

Aktakuzë ndaj dy zyrtarëve të Komunës së Suharekës

Të hënën Kuvendi mbanë seancë për vaksinat

Të hënën Kuvendi mbanë seancë për vaksinat