Kryeministri i Kosovës, Albin Kurti ka reaguar pas lajmit për vrasjen e ish-ushtarit të UÇK-së, Qerim Kelmendit.
Kurti ka shkruar në Facebook, se lajmin për vrasjen e Kelmendit, e ka marrë herët nga ministria e pastaj nga mediat.
Ai ka thënë se 21 vite pas luftës, askush nuk duhet të jetojë me ndjenjën e frikës.
I pari i qeverisë ka kërkuar nga prokuroria dhe policia që ta trajtojnë me të gjitha kapacitetet atë që e ka quajtur vrasje mizore.