Kurti për REL: Vuçiqi ishte në presion pas asaj që deklarova

15.02.2020 00:27
Rreshtat+- AShkronjat+- Printo
Kurti për REL: Vuçiqi ishte në presion pas asaj që deklarova

Kryeministri i Kosovës, Albin Kurti, tha se nuk e konsideron takim me presidentin e Serbisë, Aleksandar Vuçiq, pjesëmarrjen e përbashkët në një tryezë në Mynih.

Kurti tha për Radion Evropa e Lirë se nuk është takuar me Vuçiqin.

“Unë nuk jam takuar me Vuçiqin. Kemi qenë në një tryezë të rrumbullakët, ku kanë qenë të ftuar të gjithë udhëheqësit e Ballkanit Perëndimor”, tha Kurti, pas pjesëmarrjes në një diskutim mbi mundësitë për Ballkanin Perëndimor.

Ky diskutim u zhvillua në margjina të Forumit Ndërkombëtar të Sigurisë, i cili nisi punimet të premten në Mynih, me pjesëmarrjen e rreth 35 udhëheqësve të shteteve dhe qeverive.

I pyetur të komentojë debatin me dyer të mbyllura, për të cilin Vuçiq tha se ishte “i ashpër”, Kurti tha se nuk dëshiron të japë detaje, duke u thirrur në rregullat e organizatorit të panelit, që nuk lejojnë të bëhen publike pikëpamjet e pjesëmarrësve (Chatam House Rules).

Megjithatë, Kurti pranoi se ka pasur tensione në tryezën e rrumbullakët.

“Ai (Vuçiq) ndjeu shumë presion për shkak të asaj që thashë. Pastaj pasoi reagimi i tij me nervozizëm”, tha Kurti për Radion Evropa e Lirë.

Vuçiq tha më herët se është takuar me Kurtin në Mynih dhe se takimi ka qenë “i ashpër”.

Duke folur për Radio-Televizionin e Serbisë, Vuçiq tha se ka luftuar për interesat e Serbisë.

Ai tha se nuk guxon të nxjerrë detaje nga debati i mbyllur, por deklaroi se “ka folur të vërtetën” dhe se ka mbrojtur popullin serb “në mënyrën më të mirë të mundshme”.

Vuçiq tha se e konsideron të rëndësishme të shikohen marrëdhëniet midis Kosovës dhe Shqipërisë, por edhe marrëdhëniet “brenda Prishtinës”.

Ai tha se i njeh mirë “politikanët nga Prishtina”, madje “edhe atë që ka qenë i panjohur për të”, duke aluduar në kryeministrin e Kosovës.

Diskutimi për Ballkanin Perëndimor në Mynih të Gjermanisë shënoi herën e parë të pjesëmarrjes së Kurtit dhe të Vuçiqit në të njëjtën tryezë.

Kurti ka marrë detyrën e kryeministrit para dhjetë ditësh.

Për të, kjo ka qenë edhe paraqitja e parë në skenën ndërkombëtare në rolin e kryeministrit.

Kosova dhe Serbia nënshkruajnë marrëveshje për hekurudha e autostrada

Të premten në Mynih, presidentët e Kosovës dhe Serbisë, Hashim Thaçi dhe Aleksandar Vuçiq, morën pjesën në ceremoninë e nënshkrimit të marrëveshjes për hekurudhat dhe autostradat, e cila u arrit me ndërmjetësimin e të dërguarit të Shtëpisë së Bardhë për dialogun Kosovë-Serbi, Richard Grenell.

Kjo marrëveshje më pas u kontestua nga Kurti, i cili përmes një postimi në Facebook tha se ajo është nënshkruar nga persona të paautorizuar.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Hoti për operacionin policor në Karaçevë: Ky është vetëm fillimi

Hoti për operacionin policor në Karaçevë: Ky është vetëm fillimi

Mosvotimi i planit për rimëkëmbjen rrezikon bizneset, qeveria kërkon të votohet në Kuvend

Mosvotimi i planit për rimëkëmbjen rrezikon bizneset, qeveria kërkon të votohet në Kuvend

33 të arrestuar në Karaçevë për bixhoz, trafikim me njerëz, armë e narkotikë

33 të arrestuar në Karaçevë për bixhoz, trafikim me njerëz, armë e narkotikë

Boshnjakët përpiqen ta heqin “hotelin e tmerreve” nga Google

Boshnjakët përpiqen ta heqin “hotelin e tmerreve” nga Google

Përfundon aksioni në Karaçevë, raportohet se janë arrestuar mbi 10 policë të lidhur me krimin

Përfundon aksioni në Karaçevë, raportohet se janë arrestuar mbi 10 policë të lidhur me krimin

Aksioni i policisë në Karaçevë, do të rrënohen kazinotë ilegale

Aksioni i policisë në Karaçevë, do të rrënohen kazinotë ilegale

Pamje ekskluzive: Policia arreston disa persona në Karaçevë, po mbahen të prangosur përballë kazinos (Video)

Pamje ekskluzive: Policia arreston disa persona në Karaçevë, po mbahen të prangosur përballë kazinos (Video)

Aksioni i Policisë në Karaçevë: Arrestohen mbi dhjetë persona, përfshirë policë

Aksioni i Policisë në Karaçevë: Arrestohen mbi dhjetë persona, përfshirë policë

Policia nis një aksion kundër kazinove dhe krimit të organizuar në Karaçevë

Policia nis një aksion kundër kazinove dhe krimit të organizuar në Karaçevë

Berisha i “ngatërron” mbiemrin Sveçlës e quan “Sfeklla”è

Berisha i “ngatërron” mbiemrin Sveçlës e quan “Sfeklla”è

Gashi: Rexhë, ti knon mirë me çifteli, por kufijtë i kemi të përcaktuar në bazë të Kushtetutës së Kosovës

Gashi: Rexhë, ti knon mirë me çifteli, por kufijtë i kemi të përcaktuar në bazë të Kushtetutës së Kosovës

Veliu tregon se kur do t’i marrin shtesat zyrtarët policorë

Veliu tregon se kur do t’i marrin shtesat zyrtarët policorë

PDK: Rasti i Karaçevës do të duhej të diskutohej në Uashington e Bruksel

PDK: Rasti i Karaçevës do të duhej të diskutohej në Uashington e Bruksel

Geci përfundon intervistimin 20 orësh në Hagë, tregon se kush duhet të frikësohet nga dëshmitë e tij

Geci përfundon intervistimin 20 orësh në Hagë, tregon se kush duhet të frikësohet nga dëshmitë e tij

Veliu – Selimit: M’ka shkarku por jeni shkarku të gjithë

Veliu – Selimit: M’ka shkarku por jeni shkarku të gjithë

Selimi pyet Veliun: A e din ku i ka kufijtë Kosova?

Selimi pyet Veliun: A e din ku i ka kufijtë Kosova?