Kurti pas situatës nga vërshimet: Shiu ka nxjerrë në pah dështimet e keqqeverisjes 20 vjeçare

13.01.2021 12:38
Rreshtat+- AShkronjat+- Printo
Kurti pas situatës nga vërshimet: Shiu ka nxjerrë në pah dështimet e keqqeverisjes 20 vjeçare

Kryetari i LVV-së, Albin Kurti ka thënë se është alarmuese situata në të cilën gjendet Kosova pas reshjeve të mëdha e vërshimeve që pasuan.

Kurti përmes një postimi në Facebook, ka shkruar se shiu ka nxjerrë në pah edhe dështimet e keqqeverisjes 20 vjeçare.
“Asfaltit me të cilin partitë e vjetra duan të marrin vota, u rishfaq si të ishte një qilim i lagur. Rrugët u prishën prej shembjeve të dheut, e të gjithë pamë se shtresa e asfaltit ishte e hollë dhe mungonin bazamentet siç i kërkon standardi inxhinierik. Pyjet janë prerë pa kontroll e pa plan. Brigjet e lumenjve janë rrënuar nga eksploatimet e egra të zhavorit. Gurthyesit pranë rrugëve të asfaltuara kanë eliminuar mbrojtjen që ofrojnë kodrinat për shtigjet qarkulluese”, ka shkruar Kurti.

I pari i LVV-së ka thënë se insistojnë që Prokuroria menjëherë të nis hetimet për ndërtuesit e rrugëve, pronarët e gurthyesve, inspektorët e mbikëqyrësit por edhe për politikanët që kanë shpallur e kanë marrë vendim për tenderët dhe konkurset.

Postimi i plotë:

Është alarmuese situata në të cilën gjendet Kosova pas reshjeve të mëdha e vërshimeve që pasuan. Rrallë ka mbetur ndonjë vend ku nuk janë bllokuar e nuk kanë shpërthyer kanalizimet, ndërkohë që gjithë kompanitë rajonale të ujësjellësit po aplikojnë kufizime, sepse fabrikat e ujit nuk po mund ta përballojnë pastrimin e ujit të turbulluar prej vërshimeve.

Mësova me keqardhje se edhe shtëpia muze e nënës Ferdonije Qerkezi është dëmtuar nga vërshimet, që kanë prekur gjithë Gjakovën. Gjilani, Drenasi, Ferizaji, Fushë-Kosova, Vushtrria, Klina, Malisheva, Lipjani, Prizreni e komuna tjera dhe disa vende në Prishtinë po ashtu janë vërshuar gjatë ditëve të fundit. Dëmtime kanë pasur shumë ferma bujqësore e blegtorale, por edhe katet e para, banesa e lokale tregtare nëpër qytete. Janë dëmtuar edhe automjete e prona të tjera të qytetarëve.

Përballë forcave të natyrës njeriu është shpesh i vogël për t’u mbrojtur, e megjithatë, shtetet e organizuara mirë dallojnë prej të tjerave pikërisht sepse janë të përgatitur me dije e me struktura për të administruar me sa më pak kosto edhe probleme të tilla.

Populli i Kosovës, këtë organizim funksional dhe këtë përkujdesje e mbrojtje, me të drejtë e kërkon dhe e pret nga shteti i vet. Por shiu ka nxjerrë në pah edhe dështimet e keqqeverisjes 20 vjeçare. Asfaltit me të cilin partitë e vjetra duan të marrin vota, u rishfaq si të ishte një qilim i lagur. Rrugët u prishën prej shembjeve të dheut, e të gjithë pamë se shtresa e asfaltit ishte e hollë dhe mungonin bazamentet siç i kërkon standardi inxhinierik. Pyjet janë prerë pa kontroll e pa plan. Brigjet e lumenjve janë rrënuar nga eksploatimet e egra të zhavorit. Gurthyesit pranë rrugëve të asfaltuara kanë eliminuar mbrojtjen që ofrojnë kodrinat për shtigjet qarkulluese.

Ne do të insistojmë që Prokuroria menjëherë të hap hetimet për ndërtuesit e rrugëve, pronarët e gurthyesve, inspektorët e mbikqyrësit, por edhe për politikanët që kanë shpallur e kanë marrë vendim për tenderët dhe për konkurset. Është marre dhe është mëkat që me taksat e këtij populli të paguash çmimin shumë të shtrenjtë për rrugët krahasuar me rajonin, e në fund ato të jenë të cilësisë më të dobët.

Të varfëruar prej shekullit të pushtimit, të plaçkitur prej politikave neoliberale të pasluftës, të dobësuar prej krizës ekonomike e prej izolimit, e në vitin e fundit të rënduar edhe prej pandemisë, tash edhe shirat e vërshimet, shtoju këtyre edhe korrupsionin, kjo është një barrë shumë e madhe për bashkëqytetarët tanë.

Megjithatë, jemi optimistë sepse keqqeverisjen e krimin do t’i largojmë prej pushteti, e dalëngadalë do të punojmë së bashku me të gjithë ata që e duan punën e ndershme, që e respektojnë ligjin, që të forcohemi si vend. Puna dhe organizimi do t’i kthejnë gjërat kah e mbara.

Komentet

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Kurti pas situatës nga vërshimet: Shiu ka nxjerrë në pah dështimet e keqqeverisjes 20 vjeçare

Kurti pas situatës nga vërshimet: Shiu ka nxjerrë në pah dështimet e keqqeverisjes 20 vjeçare

Mustafa: Në shkurt përfundojnë të gjitha subvencionet e dyfishta për bujqit kosovarë

Mustafa: Në shkurt përfundojnë të gjitha subvencionet e dyfishta për bujqit kosovarë

Osmani takohet me përfaqësuesit politikë të Belgjikës, u diskutua për liberalizimin e vizave

Osmani takohet me përfaqësuesit politikë të Belgjikës, u diskutua për liberalizimin e vizave

Hoxhaj fton bashkatdhetarët të regjistrohen për të votuar: PDK ka plan konkret për diasporën

Hoxhaj fton bashkatdhetarët të regjistrohen për të votuar: PDK ka plan konkret për diasporën

Osmani pritet nga Lajçak, flasin edhe për procesin e dialogut Kosovë-Serbi

Osmani pritet nga Lajçak, flasin edhe për procesin e dialogut Kosovë-Serbi

‘’Keni bërë vjedhje industriale’’, ‘’Kjo është gjuhë e rrugëve’’ – procesi zgjedhor përplas ashpër Pecin dhe Fetahun e PDK-së (VIDEO)

‘’Keni bërë vjedhje industriale’’, ‘’Kjo është gjuhë e rrugëve’’ – procesi zgjedhor përplas ashpër Pecin dhe Fetahun e PDK-së (VIDEO)

Kelmendi pas aderimit në PDK: Nuk largohem kur vendi ka nevojë, sidomos në mungesë fizike të Veselit dhe Thaçit

Kelmendi pas aderimit në PDK: Nuk largohem kur vendi ka nevojë, sidomos në mungesë fizike të Veselit dhe Thaçit

Palmer: SHBA do të jetë partner i qeverisë së re të Kosovës

Palmer: SHBA do të jetë partner i qeverisë së re të Kosovës

Ramiz Kelmendi do jetë pjesë e listës së PDK-së

Ramiz Kelmendi do jetë pjesë e listës së PDK-së

Fatmir Limaj tregon se si ia “mbylli derën” për koalicion Enver Hoxhaj

Fatmir Limaj tregon se si ia “mbylli derën” për koalicion Enver Hoxhaj

Daka: U ndjeva e ofenduar nga talljet për telefonatat e diasporës

Daka: U ndjeva e ofenduar nga talljet për telefonatat e diasporës

Limaj: Veseli e Thaçi kërkuan që PDK-ja të ketë partneritet me Nismën

Limaj: Veseli e Thaçi kërkuan që PDK-ja të ketë partneritet me Nismën

Akademiku serb tha se Kosova nuk është e Serbisë, Vuçiq e quan të guximshme deklaratën e tij

Akademiku serb tha se Kosova nuk është e Serbisë, Vuçiq e quan të guximshme deklaratën e tij

Lajçak del kundër marrëveshjes së Washingtonit, flet edhe për referendumin

Lajçak del kundër marrëveshjes së Washingtonit, flet edhe për referendumin

Përfundon afati, këto parti aplikuan për koalicione në KQZ

Përfundon afati, këto parti aplikuan për koalicione në KQZ

Verifikimi i aplikuesve jashtë Kosovës, Daka: KQZ asnjëherë nuk tentoi që diasporës t’ia pamundësojë votimin

Verifikimi i aplikuesve jashtë Kosovës, Daka: KQZ asnjëherë nuk tentoi që diasporës t’ia pamundësojë votimin