Kryesia e Kuvendit çon në Kushtetuese amendamentet e Gjykatës Speciale

E publikuar: 09/03/2015 15:03
Rreshtat+- AShkronjat+- Printo

Kuvendi i Kosovës i ka proceduar për në Gjykatën Kushtetuese dy amendamentet kushtetuese, që i hapin rrugë themelimit të Gjykatës Speciale për Kosovën, raporton KTV.

Kreu i Kuvendit Kadri Veseli ka thënë se këto amendamente i dërgojnë në Kushtetuese që të sigurohen se të njëjtat janë në përputhje me frymën kushtetuese.

Ai tha se të drejtën për amendamentim e kanë një e katërta e deputetëve, presidentja dhe Qeveria.

Veseli tha se themelimi i Gjykatës Speciale është një obligim ndërkombëtar që Kosova e ka marr vitin e shkuar, derisa shtoi se Kuvendi do t’i marrë vendimet që janë në përputhje me Kushtetutën dhe interesin e qytetarëve.

Kur u pyet se ai personalisht si do të veprojë, Veseli tha se UÇK-ja ka bërë luftë të drejtë duke e çliruar popullin nga padrejtësitë dhe robëria.

“Çdo gjë që ka të bëjë me të drejtën e UÇK-së dhe Kosovës si shtet ne do të procedojmë në mënyrë që asnjë njollë të mos i mbetet Kosovës dhe luftës së shenjtë të UÇK” ka thënë Veseli.

Ai foli edhe për luftën kundër korrupsionit kërkesë kjo e vazhdueshme ndërkombëtare.

Tha se korrupsioni duhet të ndalet në mënyrë që Kosovës që t’i hapet perspektivë dhe zhvillimin ekonomik. Ndryshe para gazetarëve nuk janë deklaruar asnjë nga përfaqësuesit e partive.