Kroatët bllokojnë një autobus me kosovarë në kufirin e tyre, kërkohet ndërhyrja e MPJ-së

E publikuar: 04/06/2020 17:27
Rreshtat+- AShkronjat+- Printo

Ish-deputeti i Kuvendit të Kosovës, Milaim Zeka, thotë se autoritetet kroate kanë ndaluar një autobus me udhëtarë kosovar për më shumë se dhjetë orë dhe nuk po lejohen që të vazhdojnë rrugën drejt Kosovës.

Zeka thotë se Policia kroate nuk po lejon udhëtarët të vazhdojnë rrugën për në Kosovë me arsyetimin se s’kanë ndonjë njoftim zyrtar nga institucionet e Republikës së Kosovës për hapjen e kufijve.

Shumica e udhëtarëve në autobus janë gra dhe fëmijë të cilët me shumë gjasë janë nisur nga Italia.

Zeka ka kërkuar ndërhyrjen e Ministrisë së Punëve të Jashtme të Kosovës për të zgjidhur një problem të tillë.