Kosova, gati për paketime të standardizuara të duhanit

31.05.2016 14:06
Rreshtat+- AShkronjat+- Printo
Kosova, gati për paketime të standardizuara të duhanit

Kosova pritet që së shpejti të nis implementimin e paketimeve të standardizuara të duhanit.

Pa logo, ngjyra e informata promovuese dhe me një paketim një-ngjyrëshe, standard për të gjitha llojet, Kosova po synon që të zvogëlojë numrin e personave që pinë duhan dhe të vetëdijësojnë qytetarët për rrezikun që shkakton ky konsum, veçanërisht të rinjtë.

Paketimet që synohet të implementohen nga viti 2017, pritet të jenë të shoqëruara me disa fotografi të cilat pasqyrojnë pasojat që ka pirja e duhanit tek të gjitha moshat. Kjo u bë e ditur sot në Ditën Botërore anti-duhan, ditë kjo që u shënua me porosinë “Bëhuni gati për paketime të standardizuara”.

Përfaqësues të Qeverisë, Organizatës Botërore të Shëndetësisë, Institutit Kombëtar të Shëndetit Publik, koalicionit anti-duhan, sot në ditën Botërore Anti-Duhan folën për rëndësinë e aktiviteteve vetëdijësuese për përdorimin e produkteve të duhanit.

Ministri i Shëndetësisë, Imet Rr ahmani tha se tashmë është finalizuar udhëzimi për pakot e standardizuara.

“Ministria është duke bërë fuqizimin e legjislacionit me atë që kohë më parë është future në zbatim udhëzimi administrative për mjediset pa tym duhani, ndërsa është finalizuar udhëzimi për vërejte të kombinuara apo pakot e standardizuara që është edhe temë kryesore e kësaj dite. Aplikimi i pakove të standardizuara, bazuar në përvojën e shteteve që tashmë i kanë aplikuar vërejtët me fotografi dekurajuese për duhan-pirjen, është një masë për ngritjen e vetëdijes kundër duhanit, dhe parandalimit të joshjes së të rinjve për duhan-pirje”, tha Rrahmani.

Sipas tij, metoda të tilla kanë pasur efekt në vendet ku janë implementuar.

Rrahmani bëri të ditur se sot ka nënshkruar vendimin për themelimin e grupit punues për hartimin e programit kombëtar për kontrollin e duhanit, një qasje gjithëpërfshirëse dhe ndër sektoriale, që për prioritet, sipas tij, ka ngritjen e ndërgjegjësimit kundër duhanit.

Ai pranoi se rruga për zbatimin e ligjit për kontrollin e duhanit nuk është e lehtë.

Ndërsa Shkumbin Spahija nga KADC, paraqiti disa fotografi, modele, siç do të dukeshin paketimet e standardizuara të duhanit në Kosovë.

“Në vendet që e kanë aplikuar ka çuar në ulje të konsumit të duhanit, sidomos tek të rinjtë,i ka frikësuar ata nga nisja e konsumimit të duhanit, dhe e ka bërë më te lehtë për rata persona që kanë dëshiruar ta lënë duhanin, që ta lënë atë. …Besoj që ministri do ta nënshkruaj sapo të finalizohet plotësisht, në pakot e produkteve të duhanit në Kosovë do të duhej të gjendeshin k ëto fotografi nga janari I vitit 2017, kështu po mundohemi, tani kjo varet nga Ministria e Shëndetësisë”, tha Spahija.

Drejtori i OBSh-së në Kosovë, Skënder Syla tha se kjo organizatë u ka rekomanduar të gjitha vendeve që të ndërmarrin masa për të ndryshuar, apo hartuar legjislacionin që do të mundësonte fillimin e zbatimit të paketimeve të standardizuara.

“OBSh u rekomandon të gjitha vendeve që të ndërmarrin masa për të ndryshuar apo hartuar legjislacionin i cili do të mundësojë fillimin e zbatimit të paketimit të standardizuara…Neni 11 I udhërrëfyesve të konventës kornizë për kontrollin e duhanit të OBSh-së shpjegojnë paketimin e standardizuar, si masë për të përkufizuar apo ndaluar përdorimin e logove, ngjyrave, imazheve të brendeve apo informatave provuese në paketimet, përveç emrit të brendit dhe të produktit, i cili është i shtypur në ngjyrë dhe formë standard. Pavarësisht brendit të paketimit të cigareve, ato nga pamja e jashtme do të duken të njëjta”, tha Syla.

Kosova ka miratuar ligjin për kontrollin e duhanit në vitin 2013.

Brenda një viti, duhani vret rreth 5.4 milionë njerëz në botë, apo në çdo 6.5 sekonda vdes një person për shkak të sëmundjeve të lidhura direkt me duhan-prijën./rtk/

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Nisin bisedimet me NATO-n, Kuvendi do të vendosë për anëtarësim

Nisin bisedimet me NATO-n, Kuvendi do të vendosë për anëtarësim

Kryeprokurori Syla ka kërkuar që lëndët e vjetra të trajtohen me prioritet

Kryeprokurori Syla ka kërkuar që lëndët e vjetra të trajtohen me prioritet

Rrezikohet koncerti i Shakirës, Haradinaj ia tërheq vërejtjen Bahtirit

Rrezikohet koncerti i Shakirës, Haradinaj ia tërheq vërejtjen Bahtirit

Veseli vizitë në Gjermani, kërkon mbështetjen për liberalizimin e vizave

Veseli vizitë në Gjermani, kërkon mbështetjen për liberalizimin e vizave

Hahn: Spanja mund ta njohë Kosovën pas marrëveshjes me Serbinë

Hahn: Spanja mund ta njohë Kosovën pas marrëveshjes me Serbinë

Ramush Haradinaj: Aspak shqetësues buxheti për themelimin e ushtrisë

Ramush Haradinaj: Aspak shqetësues buxheti për themelimin e ushtrisë

Rama publikon mesazhet: Bojkoti i opozitës për MSA-në nuk u prit mirë nga ndërkombëtarët

Rama publikon mesazhet: Bojkoti i opozitës për MSA-në nuk u prit mirë nga ndërkombëtarët

Haradinaj: Po më duket që do t’i shkojë deri në fund mandatit

Haradinaj: Po më duket që do t’i shkojë deri në fund mandatit

Hoti i kundërpërgjigjet Vuçiqit për Ushtrinë e Kosovës

Hoti i kundërpërgjigjet Vuçiqit për Ushtrinë e Kosovës

Lluka: Prizreni do të jetë pjesë e projekteve zhvillimore

Lluka: Prizreni do të jetë pjesë e projekteve zhvillimore

Propozohet që pushimi i lehonisë të paguhet vetëm nga shteti

Propozohet që pushimi i lehonisë të paguhet vetëm nga shteti

Poterqi i Klinës me rrugë të asfaltuara, në Gjurgjevik të Madh fillojnë punimet në rrugën e re

Poterqi i Klinës me rrugë të asfaltuara, në Gjurgjevik të Madh fillojnë punimet në rrugën e re

Përplasje në Komision rreth Ligjit për Automjete

Përplasje në Komision rreth Ligjit për Automjete

Qeveria themelon Komision për trajtimin e Ekstremizmit të Dhunshëm

Qeveria themelon Komision për trajtimin e Ekstremizmit të Dhunshëm

Shefi i FMN-së në Kosovë ngre alarmin se vendi po shkon drejtë një krize fiskale

Shefi i FMN-së në Kosovë ngre alarmin se vendi po shkon drejtë një krize fiskale

Nenad Rikallo ua ndanë mbi 2 milionë euro serbëve të veriut

Nenad Rikallo ua ndanë mbi 2 milionë euro serbëve të veriut