Gjatë këtyre ditëve ka pasur shumë paqartësi rreth një ndeshje me rëndësi për përfaqësuesen sonë të hendbollit për grupmoshat deri në njëzet vjet.
Përfaqësuesja e Kosovës në hendboll për femra U20, nuk do të luajë ndeshjen kualifikuese me Serbinë në Kragujevc.
Federata Serbe e Hendbollit ka njoftuar sonte se takimi është zhvendosur në Kovilovo, në afërsi të Beogradit.
Gjithashtu është bërë e ditur se takimi do të luhet pa simbole shtetërore, pa tifozë dhe pa praninë e mediave.
Përveç këtyre dyja përfaqësueseve, pjesëmarrës do të jenë edhe Norvegjia dhe Sllovakia.
Vetëm fituesi i turneut do të kualifikohet në Kampionatin Botëror në Gyor të Hungarisë.
Theksojmë se ndeshja zhvillohet të premten (23 mars 2018) nga ora 16:00. /Telegrafi/
