Korrupcioni po përhapet në Ballkan

E publikuar: 12/04/2015 15:03
Rreshtat+- AShkronjat+- Printo

Gazeta serbe “Blic” ka publikuar një listë se si korrupsioni po përhapet në Ballkan.

Në Ballkan çdo gjë mund të blihet, korrupsioni dominon të gjitha fushat e jetës. Gazeta serbe “Blic” ka publikuar të shtunën në Beograd një “listë të çmimeve të korrupsionit”, transmeton albinfo.

Në bazë të sondazheve, analizave të ekspertëve dhe intervistat me grupet e interesit, thuhet: “Korrupsioni është shumë i përhapur në Serbi”. Për 300 € mund të prezantoni një punim tuajin në shkollë. Disertacioni i doktoraturës kushton rreth 3000 € dhe 1000 € një leje ndërtimi.

Për trajtim më të mirë në lindje nëna e ardhshme duhet ta paguajë 1000 €, edhe pse kujdesi mjekësor në Serbi është në të vërtetë i lirë.

Javën e kaluar shefi i një spitali në Beograd është arrestuar, ngase kishte pranuar 500 € për të manipuluar listën e pritjes për operacione.