Konjufca tregon pse reaguan ambasadat, thotë se Thaçi ishte prapa dëbimit të gylenistëve

12.03.2019 19:09
Rreshtat+- AShkronjat+- Printo
Konjufca tregon pse reaguan ambasadat, thotë se Thaçi ishte prapa dëbimit të gylenistëve

Çështja e deportimit të gjashtë shtetasve turq është riaktualizuar, dhe kësaj radhe prej ndërkombëtarëve. Në njëvjetorin e rrëmbimit të gjashtë gylenistëve nga institucionet e sigurisë, ambasadat e huaja ishin më të ashpra se sa kur kishte ndodhur rrëmbimi. Amerika akuzoi direkt politikën. Glauk Konjufca thotë se kur përmendet përfshirja e politikës në rrëmbim, bëhet fjalë për presidentin Thaçi.

Dëbimi i gylenistëve duket se nuk është prej temave që bëjnë bujë e më pas mbyllen.

Ambasada amerikane ka shprehur sërish shqetësimin për deportimin e shtetasve turq, të cilët presidenti turk Recep Tayyip Erdogan i kishte kërkuar nga Kosova.

Kapja dhe dëbimi i gylenistëve u realizua më 29 mars të vitit të kaluar nga institucionet kosovarë të sigurisë, ndërsa edhe një vjet pas, akoma nuk është zbardhur se kush e ka dhënë urdhrin e dorëzimit të tyre.

Amerikanët, të cilët në SHBA kanë strehuar në vendin e tyre shefin e Lëvizjes Gulen që shteti i Erdogan i referohet si “Feto”, kanë akuzuar direkt politikën se ka shtyrë institucionet e sigurisë të shkelin ligjin.

“Presioni politik në sektorin e sigurisë për të thyer ligjin e Kosovës është një shkelje skandaloze e vlerave demokratike”, thuhej ndër të tjera në reagimin e ambasadës amerikane.

Mbështetje të plotë ambasadës amerikane i kanë dhënë ambasadat e Britanisë së Madhe dhe e Gjermanisë.

Shefi i Grupit Parlamentar të Vetëvendosjes, Glauk Konjufca, ka thënë për Gazetën Express se reagimet u rikthyen pasi Komisioni hetimor kreu punën dhe aty u pa se janë bërë shkelje të mëdha.

“Janë reagime që e shprehin shqetësimin e vërtetë për ngjarjen që ka ndodhë. Ambasadat nuk reaguan deri tash për shkak që kanë prit me u kry puna e komisionit hetimor, E tash kur ka përfundu puna edhe i kanë pa rezultatet, atëherë kjo për gjithkënd që e di se si funksionon shteti ligjor është shqetësuese, sepse ka shkelje drastik”, ka thënë Konjufca.

“Presidenti ka qenë mbrapa kësaj. Ka shumë gjetje të komisionit që tregojnë se presidenti duhet t’i sqarojë disa paqartësi në lidhje me involvimin e tij në këtë ngjarje”, është shprehur ai.

Shefi i Grupit Parlamentar të VV’së thotë se ka tri gjëra që, sipas tij, dëshmojnë involvimin e Presidentit në rrëmbimin e gylenistëve.

“Ai as nuk ka shku me iu përgjigj komisionit. Shefin e AKI’së e ka bërë këshilltar të tij. Njeriun kryesor të pushtetit e ka zëvendësu me shefin e AKI’së”.

Konjufca ka përmendur konferencën e presidentit Thaçi, ku ai e ka pa si proces të rregullt deportimin e gylenistëve.

Menjëherë pasi është përmendur politika nga ambasada e Amerikës, sot gjatë ditës ka reaguar kryeministri Haradinaj, për t’u distancuar nga përfshirja e politikës në rastin e dëbimit të gylenistëve.

Haradinaj ka shkruar për krejt masat që ka ndërmarrë në këtë rast, dhe për raportimin që ka bërë para Komisionit Parlamentar të formuar për të hetuar deportimin e gylenistëve.

“Me angazhim të plotë për të qartësuar përgjegjësitë institucionale, shmangiet e mundshme kushtetuese dhe ligjore, mbrojtjen e të drejtave të njeriut dhe, mbi të gjitha, garantimin e sigurisë kombëtare, kam kërkuar raporte hetimore nga Kryeprokurori i Shtetit, Drejtori i Përgjithshëm i Policisë së Kosovës, Kryeinspektori i Agjencisë së Kosovës për Inteligjencë, Sekretari i përgjithshëm i Ministrisë së Punëve të Brendshme, Inspektorati Policor i Kosovës, Autoriteti Civil i Aviacionit, Agjencia e Shërbimeve të Navigacionit Ajror”, ka shkruar Haradinaj në Facebook.

Gjashtë shtetasit turq, të cilët në Kosovë po ushtronin profesionin e mësimdhënësve në shkollat gyleniste, u deportuan në Turqi me një avion të shtetit turk, pasi Erdogan po i kërkonte si anëtarë të organizatës së Gulenit, të cilën Turqia e ka shpallur terroriste.

Ambasada amerikane në reagimin e saj nuk është marrë me fajësinë ose pafajësinë e shtetasve turq, por me mënyrën se si institucionet e sigurisë, të ndikuara nga politika, kanë dorëzuar shtetas të huaj që kishin lejeqendrim për në Kosovë.

“Nuk kemi të bëjmë me fajësinë apo pafajësinë e individëve, por shmangie të qartë të proceseve ligjore të Kosovës nga ana e politikanëve të Kosovës”

Komisioni hetimor për këtë rast ka përfunduar së funksionuari, pasi nuk i është zgjatur afati kohor për punë nga Kryesia e Kuvendit. Ata kanë nxjerrë një raport, në të cilën janë paraqitur 31 shkelje të gjetura në deportimin e gylenistëve.

Ganimete Musliu, deputetet e PDK’së, në emisionin “Frontal” të Televizionit 7, ka thënë se komisioni hetimor pjesë e të cilit ka qenë edhe vetë, ka dështuar.

“Ne kemi qenë të paaftë të kërkojmë zgjatjen e mandatit”, ka thënë Musliu, e cila ka akuzuar anëtarët e opozitës se kanë qenë të papërvojë në punën e komisionit. /Express/

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Konjufca tregon pse reaguan ambasadat, thotë se Thaçi ishte prapa dëbimit të gylenistëve

Konjufca tregon pse reaguan ambasadat, thotë se Thaçi ishte prapa dëbimit të gylenistëve

“Qëllimi i agresionit të NATO-s nuk u arrit, Kosova është Serbi”

“Qëllimi i agresionit të NATO-s nuk u arrit, Kosova është Serbi”

Vuçiq: Problemi nuk zgjidhet me njohjen e Kosovës

Vuçiq: Problemi nuk zgjidhet me njohjen e Kosovës

Hoxha: Prokuroria po mbledh ende prova për rastin e gylenistëve

Hoxha: Prokuroria po mbledh ende prova për rastin e gylenistëve

Miratohet nisma për financimin e projektit për trajtimin e ujërave të zeza në Gjilan

Miratohet nisma për financimin e projektit për trajtimin e ujërave të zeza në Gjilan

Ivanov fajësohet se po i bllokon reformat

Ivanov fajësohet se po i bllokon reformat

Pacolli u bën thirrje biznesmenëve amerikanë të investojnë në Kosovë

Pacolli u bën thirrje biznesmenëve amerikanë të investojnë në Kosovë

Haradinaj tregon qëndrimin e Gjermanisë për taksën pas takimit me këshilltarët e Merkelit

Haradinaj tregon qëndrimin e Gjermanisë për taksën pas takimit me këshilltarët e Merkelit

Guvernatori Mehmeti takoi përfaqësuesit e Bankës Botërore

Guvernatori Mehmeti takoi përfaqësuesit e Bankës Botërore

Mustafa priti në takim Ambasadori jo rezident të Katarit në Kosovë

Mustafa priti në takim Ambasadori jo rezident të Katarit në Kosovë

Projektet lokale të Kaçanikut dhe Ferizajt marrin mbështetjen e Ministrisë së Infrastrukturës dhe Transportit

Projektet lokale të Kaçanikut dhe Ferizajt marrin mbështetjen e Ministrisë së Infrastrukturës dhe Transportit

Kosova kërkon investitorë nga Katari

Kosova kërkon investitorë nga Katari

Deputeti i AAK-së: Mbylleni këtë seancë palidhje

Deputeti i AAK-së: Mbylleni këtë seancë palidhje

Vuçiq tregon çfarë i thanë njerëzit e Merkel, paralajmëron disa veprime të BE’së gjatë prillit

Vuçiq tregon çfarë i thanë njerëzit e Merkel, paralajmëron disa veprime të BE’së gjatë prillit

Haradinaj: Vetëm 175 mijë euro u shpenzuan për 11-vjetor të Pavarësisë, të tjerat do të kthehen

Haradinaj: Vetëm 175 mijë euro u shpenzuan për 11-vjetor të Pavarësisë, të tjerat do të kthehen

MASHT-i pagoi trefish më shtrenjtë sesa çmimi real akomodimin në Durrës

MASHT-i pagoi trefish më shtrenjtë sesa çmimi real akomodimin në Durrës