Anëtari i VV’së, Glauk Konjufca ka komentuar në emisionin DPT te Fidani në T7 zyrtarizimin e kandidaturës së Avdullah Hotit nga LDK.
Konjufca thotë se Hoti është bërë kandidat për shkak që ka dëgjueshmëri ndaj Isa Mustafës.
“Hoti ka një tipar për të cilin është zgjedhur kandidat. ai është vendosur si kandidat për shkak të dëgjueshmërisë ndaj Isa Mustafës”, thotë ai.
“Ka një dëgjueshmëri të jashtëzakonshme të tij. Duket se Isa Mustafa po synon të jetë kryeministër i Kosovës në prapavijë. Isa Mustafa po kërkon të bëhet përsëri kryeministër prapa perdeve. Një njeri që nuk kandidon prej zgjedhjeve të vitit 2014. Vet thoshte se nuk është i interesuar për kryetar të LDK’së por përsëri e mori vet. Kur e mbështeste Vjosa Osmanin por prapë ia mbajti hatrin Agim Veliu. Edhe në këtë qeveri kishte rolin kryesor. Kur e pash se Hotin e kishin vendosur e pashë si zgjatim të Isa Mustafa. Ai po vepron sipas vegzave”, shton ai.
