Deputeti i Partisë Socialdemokrate, Dardan Molliqaj sot është paditur nga deputeti i Vetëvendosjes, Glauk Konjufca.
Padia nga Konjufca është dorëzuar në Gjykatën Themelore me shkakun se Molliqaj ka shpifur kur në seancën e kaluar i tha se ke qenë pjesë e SHIK-ut,
Molliqaj përmes një postimi në Facebook, e ka ftuar Konjufcën për një përballje televizive pasi sipas tij ai e ka problem Kuvendin.
Postimi i plotë:
Glauk Konjufca paska thënë që deklaratat e mia janë shpifje dhe se e kam përdorë Kuvendin për shkak të imunitetit. Për ta ”shfajësuar” vetën, më paska paditur.
Nëse Glauku dhe udhëheqësit e tjerë të Sektit e paskan problem Kuvendin aty ku unë preferoj të ballafaqohemi, atëherë e ftoj Glaukun që ta zgjedhë vet vendin dhe kohën për një perballje televizive kudo që ai don dhe aty i qesim në shesh të gjitha.
E nëse ai nuk guxon të ballafaqohet në debat televiziv, atëherë shihemi prap në Kuvend./lajmi.net
