Kroacia zyrtarisht e ka konfirmuar largimin e sulmuesit të Milanit, Nikola Kalinic.

Trajneri i Kroacisë, Zlatko Dalic, ka thënë se i nevojiten lojtarë të gatshëm.

Ai ka refuzuar të futet në lojë në vend te Mario Mandzukic në ndeshje me Nigerinë.

Por Kalinic nuk është i pari që përjashtohet për arsye disiplinore ose të tjera.

“Në marrëveshje me stafin teknik, kryetrajnerin Zlatko Dalic, ne kemi vendosur që ta largojmë Nikola Kalinić nga skuadra në Kampionatin Botëror. Kalinic e ka lënë kampin në Roshchino të hënën për tu kthyer në Kroaci”, thuhet në njoftimin e federatës.

Willie Johnston – Skoci, Argjentina 1978

Skocia luante ndeshjen fillestare ndaj Perus në kampionatin e vitit 1978 në Argjentinë,  ku Johnston doli pozitiv në testet e dopingut dhe u përjashtua.

Ai u përjashtua përgjithmonë nga Kombëtarja e tij.

Diego Maradona – Argjentina, SHBA 1994

Maradona i zhvilloi vetëm dy ndeshje duke shënuar një gol ndaj Greqisë, por doli pozitiv në testin e dopingut, pasi kishte përdorur efedrin (ephedrine).

Në autobiografi, Maradona thotë se trajneri personal i kishte dhënë pa vetëdije.

Roy Keane – Republika e Irlandës, Kore/Japoni 2002

Kapiteni Keane u dërgua sot në shtëpi pasi kritikoi përgatitjet e trajnerit para turnet.

McCarthy pas përjashtimit tha: “Unë nuk mund dhe nuk do të lejoj që të flas me mua në atë nivel, kështu që e dërgova në shtëpi”.

Nicolas Anelka – Francë, Afrikë e Jugut 2010

Anelka u dërgua në shtëpi pasi u raportua se e sulmoi trajnerin Raymond Domenech pas pjesës së parë kundër Meksikës ku ishin duke humbur 2-0.

Incidenti u raportua më vonë nga mediat dhe lojtari nuk pranoi të kërkojë falje publike, ku u dërguan në shtëpi.

Ditën tjetër, pjesa tjetër e skuadrës nuk pranoi të shkojë në stërvitje duke protestuar kundër dëbimit të Anelkës. /Telegrafi/