Kompromiset e rrezikshme për ulësen në OKB

14.06.2018 16:21
Rreshtat+- AShkronjat+- Printo
Kompromiset e rrezikshme për ulësen në OKB

Kosova nuk duhet të bëjë kompromise të reja në finalen e dialogut të Brukselit, për normalizimin e marrëdhënieve me Serbinë, i cili është paralajmëruar të përmbyllet me marrëveshje ligjërisht obliguese, vlerësojnë njohësit e zhvillimeve politike në Kosovë.

Presidenti i Kosovës, Hashim Thaçi, kohë më parë pati theksuar se procesi i dialogut duhet të përfundojë me njohjen e ndërsjellë të dy shteteve, por finalja e dialogut do të jetë proces i vështirë dhe me kompromise. Autoritetet e Kosovës, kanë theksuar se në fund të procesit, Kosova duhet ta fitojë ulësen në Organizatën e Kombeve të Bashkuara (OKB).

Në anën tjetër, presidenti i Serbisë, Aleksandar Vuçiq, në vazhdimësi ka përsëritur se dialogu nuk duhet të përfundojë në atë mënyrë që “njëra palë të fitojë gjithçka dhe pala tjetër fare”.

Autoritetet e Serbisë, përfshirë edhe përfaqësuesit politikë të serbëve të Kosovës, në vazhdimësi janë duke insistuar që Asociacioni i komunave me shumicë serbe, duhet të ketë kompetenca ekzekutive. Kompetencat e tilla, siç kanë vlerësuar njohësit e zhvillimeve politike, nënkuptojnë një entitet tjetër politik dhe një autonomi territoriale për serbët e Kosovës.

Politologu Ramush Tahiri, duke folur për Radion Evropa e Lirë, shpreh mendimin që Kosova nuk duhet të hyjë në kompromise me Serbinë, për ta siguruar ulësen në Kombet e Bashkuara.

“Nuk niset dialogu me kompromis, por që të zgjidhen çështjet, të cilat janë kontestuese. Në këtë bazë, me Serbinë mund të bisedohet edhe për çështje të brendshme të Kosovës, sikur që po bisedohet, sepse kompromisi është bërë në fillim. Gjithashtu, mund të bisedohet edhe për pozitën e popullit serb në Kosovë – sepse Serbia është e interesuar pikërisht për këtë çështje – dhe jo për çështjet e tjera. Mirëpo, secila zgjidhje nuk mund të jetë pjesë e pazareve politike ose pjesë e imponimit, por duhet të jetë pjesë e vullnetit dhe në harmonizim me konventat ndërkombëtare”, theksoi Tahiri.

Por, politologu tjetër, Belul Beqa thotë për Radion Evropa e Lirë se nëse eventualisht të dyja palët, ajo e Kosovës dhe ajo e Serbisë, e shohin kompromisin duke realizuar të dyja palët qëllimet e veta, atëherë ky do të jetë një kompromis mjaft i dëmshëm për Kosovën.

“Duhet të vlerësojmë se sa mund të fitojmë eventualisht me këtë kompromis, i cili ndërlidhet me anëtarësimin e Kosovës në Organizatën e Kombeve të Bashkuara. Ata, të cilët mendojnë se kjo mund të jetë një lloj zgjidhje, duhet të realisht ta vlerësojnë se një kompromis i tillë ndoshta më shumë, në kuptimin afatgjatë, do ta dëmtojë funksionalitetin e shtetit, se sa që eventualisht mund të përfitojë shteti i Kosovës me anëtarësimin në Organizatën e Kombeve të Bashkuara”, tha Beqa.

Politologu Tahiri, shpreh mendimin që asnjë kompromis nga ana e Kosovës, që do ta bënte shtetin jofunksional, nuk e vlen ulësen e Kombeve të Bashkuara.

“Nëse gjendjen nuk mund ta bëjmë më të mirë, nuk duhet ta bëjmë më të keqe. Përndryshe, nëse krijohet çfarëdo entiteti i ri në Kosovë dhe prishet baza dhe balanci qytetar i ndërtimit të shtetit të Kosovës, unë mendoj se atëherë Kosova, si shtet, shpërbëhet dhe shkon në vija etnike. Kjo nuk është mirë për Ballkanin Perëndimor, sepse ka edhe çështje tjera të hapura dhe nuk është mirë as për vet vizionin e Kosovës”, u shpreh Tahiri.

Në këtë pikë pajtohet edhe politologu Beqa. Madje, sipas tij, kompromiset eventuale të Kosovës ndaj Serbisë, nuk nënkuptojnë rrugë të sigurt drejt ulëses në Kombet e Bashkuara.

“Aq më parë që çështja e anëtarësimit (në OKB) nuk varet as prej Kosovës e as prej Serbisë, ngase varet pikërisht nga ata, të cilët ndërkombëtarisht janë pengesë e madhe për anëtarësimin në OKB, siç është Rusia. Pra, duhet edhe këtë opsion ta vlerësojmë realisht, sikurse edhe përparësitë, por edhe pasojat e mundshme nëse ky do të jetë një lloj ‘modus vivendi’ në vazhdimin e procesit të dialogut”, theksoi Beqa.

Sidoqoftë, autoritetet e të dyja vendeve, të Kosovës dhe të Serbisë, kohët e fundit kanë ashpërsuar fjalorin politik, duke e akuzuar njëra tjetrën për mospërmbushje të marrëveshjeve të arritura deri më tash në dialogun e Brukselit. Njohësit e zhvillimeve politike kanë vlerësuar se pikërisht ky ashpërsim i retorikës, paralajmëron pozicionimin e palëve në prag të fillimit të finales së procesit të dialogut./REL/

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Gjuha shqipe ende nuk gjen përdorim në institucionet maqedonase

Gjuha shqipe ende nuk gjen përdorim në institucionet maqedonase

Thaçi kërkon bashkëpunim me partitë politike për bashkimin e Luginës me Kosovën

Thaçi kërkon bashkëpunim me partitë politike për bashkimin e Luginës me Kosovën

Policia i ka ndërmarrë të gjitha masat për të ofruar siguri në ndeshjen Prishtina-Drita

Policia i ka ndërmarrë të gjitha masat për të ofruar siguri në ndeshjen Prishtina-Drita

E ka në duar kuletën e shtetit, por ministri Hamza ha në qebaptore

E ka në duar kuletën e shtetit, por ministri Hamza ha në qebaptore

AKP transferon 44 milionë euro në buxhetin e Kosovës

AKP transferon 44 milionë euro në buxhetin e Kosovës

Në Burim të Malishevës nis realizimi i dy projekteve

Në Burim të Malishevës nis realizimi i dy projekteve

Rada Trajkoviq kërkon shtyrje të zgjidhjes për Kosovën

Rada Trajkoviq kërkon shtyrje të zgjidhjes për Kosovën

Fillon punën zyra për ankesa dhe kërkesa të pasagjerëve në Aeroportin e Prishtinës

Fillon punën zyra për ankesa dhe kërkesa të pasagjerëve në Aeroportin e Prishtinës

Edhe Memli Krasniqi kundër idesë së Thaçit për korrigjimin e kufijve

Edhe Memli Krasniqi kundër idesë së Thaçit për korrigjimin e kufijve

Godet një këmbësor në Gjakovë, policia në kërkim të vozitësit

Godet një këmbësor në Gjakovë, policia në kërkim të vozitësit

Kosova pret thirrjen nga Brukseli për diskutimin e draftit të Asociacionit

Kosova pret thirrjen nga Brukseli për diskutimin e draftit të Asociacionit

Kur do të mbahet testi i dytë i maturës dhe sa nxënës do t’i nënshtrohen

Kur do të mbahet testi i dytë i maturës dhe sa nxënës do t’i nënshtrohen

Tentoi ta kalonte kufirin ilegalisht, arrestohet shtetasi serb

Tentoi ta kalonte kufirin ilegalisht, arrestohet shtetasi serb

Turqit kërkojnë azil në Kosovë për t’u mbrojtur nga Erdogani

Turqit kërkojnë azil në Kosovë për t’u mbrojtur nga Erdogani

Gjergj Dedaj në Shkup fyen deputetë, kryetarë komunash e gazetarë

Gjergj Dedaj në Shkup fyen deputetë, kryetarë komunash e gazetarë

Ferronikeli rifillon punën sot (VIDEO)

Ferronikeli rifillon punën sot (VIDEO)